صدر ءِ مملکت ءَ پیپلز پارٹی امریکہ ءِ صدر محمد خالد اعوان ءَ را پارٹی ءِ ھاتر ءَ وتی ازمت آنی پد ءَ توسیپ ءُ ستا

اسلام آباد۔4ستمبر  (اے پی پی):پاکستان پیپلز پارٹی ءِ صدر ءُ شریک چیئرمین آصف علی زرداری ءَ سرجمیں امریکہ ءَ پارٹی ءِ مھکم کنگ ءِ واستہ پیپلز پارٹییو ایس اے ءِ صدر محمد خالد اعوان ءُ آئی ءِ ٹیم ءِ دل ءِ جہلانکی ءَ گوں کوشست آناں ساڑاتگ۔ پنچ شمبے ءِ روچ ءَ صدارت ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر ءِ مملکت ءَ خالد اعوان ءَ را نمدی ءِ تہ ءَ گوشت کہ پیپلز پارٹییو ایس اے ءَ ھزاراں کارکن آنی ھوار بوھگ یک قابل ذکریں سنگ میل ءِ ایشی ءَ چہ درملک ءَ پارٹی ءَ را مھکم کنگ ءِ واستہ آئیءِ جزم ءِ درشان اِنت۔ آئی ءَ گوشت کہ اے سوبمندی ءَ چہ درملکیں پاکستانی آنی تہ ءَ پارٹی ءِ جمہوریت، چاگردی انصاف ءُ سرکاری ھزمت ءِ آدرش آناں نوکیں توان داتگ ءُ آئی ءِ سیاسی بصیرت ءَ را گیش کتگ۔ صدر ءِ مملکت ءَ پیپلز پارٹییو ایس اے ءِ صدر ءِ ازمت آناں من اِتءُ گوشت کہ آئی ءِ کوشست نہ ایوک ءَ پارٹی ءَ را مھکم کنگ ءَ اَنت بلکینگ ءَ پاکستان ءِ الس ءُ پاکستانی امریکی کمیونٹی ءِ نیام ءَ سیادی ءَ را ھم مھکم کنگ ءَ اَنت۔ آئی ءَ دل یکیمی درشان کت کہ پیپلز پارٹییو ایس اے ھمے شوق ءُ لگن ءَ گوں پارٹی ءِ مشن ءُقدر آناں دیم ءَ برگ ءِ تہ ءَ ھاسیں کرد پیلو کنت۔