چیئرمین سینیٹ  سید  یوسف رضا گیلانی، ایتھوپیا ءِ سفیر ءَ گوں گند ءُ نند، دو نیمگی کمک ءُ جھان ءِ جیڈھانی سر ءَ ھیال ءُ لیکہ ءِ درشان

اسلام آباد۔19اگست  (اے پی پی): چیئرمین سینیٹ سید  یوسف رضا گیلانی ءُ ایتھوپیا ءِ سفیر ڈاکٹر جمال بکر عبداللہ  ءَ یک ھاسیں گند ءُ نند ءِ کت ایشی ءِ تہ ءَ دو نیمگی سیادی، تجارت، سرمایہ کاری، چاگردی کمک ءُ دمگی ءُ جھان ءِ جیڈھ آنی سر ءَ ھیال ءُ لیکہ آنی درشان کت۔ اے موہ ءِ سر ءَ چیئرمین سینیٹ، سینیٹرز اور ایتھوپیا  ءِ سفیر ءَ پارلیمنٹ ہاؤس ءِ دوستی ءِ باگ ءَ درچک ءِ کشت ءُ کشار ءِ مہم ءِ بھر ءِ رد ءَ یک پودے ءِ کشت ءُ کشار ھم کتگ۔ اسٹیٹ سیکرٹریٹ ءِ رد ءَ چیئرمین اسٹیٹ ءَ اے گپ ءِ سر ءَ زور پر دات کہ پاکستان ءُ ایتھوپیا ءِ نیام ءَ دیریں ءُ پائدگ مندیں سیادی است انت۔ آئی ءَ اسلام آباد ءَ ایتھوپیا ءِ سفارتخانہ ءِ پچ کنگ ءُ ایتھوپیا ءِ ایئر لائنز ءِ نیمگ ءَ کراچی ءَ چہ ادیس ابابا ءَ براہ راست بالی گراب آنی بندات ءَ را دو نیمگی سیادی ءَ را مھکم کنگ ءِ ھاترا ھاسیں سنگ میل لیک اِت۔ آئی ءَ ائیر سروسز ءِ معاہدہ ءِ زوت سرجم کنگ ءِ ھم لوٹ کت تانکہ تجارت ءُ سرمایہ کاری ءِ واستہ نوکیں موہ پچ بہ بنت۔ سید  یوسف رضا گیلانی ءَ اقوام متحدہ ءِ سلامتی کونسل (2025-26) ءِ تہ ءَ غیر دائمی سیٹ ءِ واستہ پاکستان ءِ کمک ءِ سر ءَ ایتھوپیا ءِ منت گپت ءُ گوشت کہ دوئیں ملک آنی نیام ءَ دمگی ءُ جھان ءِ تک ءَ نزیکیں کمک ءَ چہ دو نیمگی سیادی ءَ را گیش مھکم کتگ۔ چیئرمین ءَ پارلیمانی سفارتکاری ءِ کرد ءَ را پدر کنان ءَ پاکستان ءُ ایتھوپیا ءِ پارلیمانی دوستی گروپ ءِ چست ءُ ایر آنی ذکر کت۔ آئی ءَ پارلیمانی ڈل ءُ مردم آنی نیام ءَ رابطہ آناں گیش دیمروئی دیگ ءِ ھم لوٹ کتگ۔ آئی ءَ اے گپ ءِ سر ءَ زور پر دات کہ اقتصادی سفارتکاری پاکستان ءِ دری پالیشی ءِ بنیاتی ستون اِنت ءُ دو نیمگی تجارت ءِ تہ ءَ گیشی ءِ واستہ گیشیں کوشست کنگ لوٹ ایت۔ چیئرمین سینیٹ  ءَ گوشت کہ پاکستان ءِ جھان ءِ نامداریں چیز آنی تہ ءَ مزنیں کوالٹی ءِ برنج، سرجیکل ءُ میڈیکل سامان، دوا ءُ درمان ءُ فیفا ءِ سرٹیفائیڈ فٹبال ھوار اَنت ھما دمگ اَنت کہ ایشی ءِ تہ ءَ ایتھوپیا درآمد آنی تہ ءَ گیشی کت کنت، ایشی ءِ گوما انفارمیشن ٹیکنالوجی، سائنس، وانگ ءُ زانگ ءُ ووکا ءِ پڑ ءَ کمک ءِ وشیں آسراتی ھم ھوار اَنت۔ موسمیاتی بدلی ءِ ھوالگ ءَ چیئرمین یوسف رضا گیلانی  ءَ ایتھوپیا ءِ گرین ڈائیلاگ پروگرام ءِ توسیپ کت ءُ پائیدار ءُ چاگرد دوستیں آیوکیں وھد ءِ واستہ یکجائی گامگیج آنی ضلورت ءِ سر ءَ زور پر دات۔ دیوان ءِ گڈ ءَ چیئرمین اسٹیڈ ءَ ایتھوپیا ءِ پارلیمانی گل ءِ بین پارلیمانی اسپیکر کانفرنس ءَ بہر زرتگ۔ آئی ءَ گوشت کہ آئی ایس سی ءِ بانی چیئرمین ءِ بستار ءَ ایتھوپیا ءَ را کانفرنس ءَ بھر زوری کنگ ءُ یکجائی حکمت عملی ءِ وسیلگ ءَ آیوکیں وھد ءِ چیلنج آناں دیم پہ دیم بوھگ ءِ دعوت دنت۔ اے موہ ءِ سر ءَ چیئرمین ستا ءِ ھمراھی ءَ سینیٹر شیری رحمان، سینیٹر عرفان الحق صدیقی، سید علی ظفر  ءُ  چیئرمین سینیٹ کی مشیر مصباح کھر  ھم ساڑی ات انت۔ ایتھوپیا ءِ سفیر ڈاکٹر جمال بکر عبداللہ ءَ چیئرمین سینیٹ  ءِ  بن گپ  ءِ حمایت کت ءُ پاکستان ءِ سیادی ءَ را میاں اوستمانی تک ءَ دیمروئی دیگ ءِ واستہ آئی ءِ کوشست آناں ساڑات۔ آئی ءَ ایتھوپیا ءِ سرجمیں کمک ءِ دل یکیمی دات ءُ گوشت کہ دوئیں ملک آنی نیام ءَ یکوئی ھما انت کہ آ دوستی ءِ سیادی ءَ را گیش مھکم کت کن انت۔