معاون مزن وزیر ءُ دری کارانی وزیر محمد اسحاق ڈار ءَ مسلم لیگ (ن) برطانیہ ءِ مزنیں کارندہ آں گوں گند ءُ نند

لندن ۔19اگست  (اے پی پی): مسلم لیگ برطانیہ ءِ مزنیں کارندہ آنی ڈل ءَ برطانیہ ءَ پاکستانی ہائی کمیشن ءَ نائب مزن وزیر ءُ دری کارانی وزیر محمد اسحاق ڈار ءَ گوں گند ءُ نند کت۔ نائب مزن وزیر ءِ کارگس ءِ نیمگ ءَ جاڑی بوتگیں بیان ءِ رد ءَ ڈل ءِ سروکی مسلم لیگ ن برطانیہ ءِ صدر احسن دار ءَ کتگ۔ نائب مزن وزیر ءَ گوشت کہ پاکستان برطانیہ ءَ نندوکیں وتی شہری آنی جزبگ ءَ را ساڑا کنت ۔ آئی ءَ آپریشن بنان مرسوس ءِ ساھت ءَ برطانیہ ءَ نندوکیں پاکستانی کمیونٹی ءِ یکوئی موقف ءَ را ساڑات۔ آئی ءَ اے گپ ءِ سر ءَ زور پر دات کہ برطانیہ ءَ نندوکیں پاکستانی پاکستان ءِ یک اثاثہ اَنت۔ آئی ءَ برطانیہ ءَ نندوکیں پاکستانی آں آسراتی ءِ واستہ مزن وزیر شہباز شریف ءِ نیمگ ءَ چست کتگیں گامگیج آنی بابت ءَ ڈل ءَ را سرپد کت۔ آئی ءَ لینڈ ریکارڈ سروسز بلاک چند ٹکنا لوگی ءُ ون ونڈو پاسپورٹ سسٹم ءِ پروسیسنگ ءِ وسیلگ ءَ پنجاب ءِ زمینی ریکارڈ آنی ریکارڈ آنی تہ ءَ ایمنیں رسائی ءِ ذکر کت۔ آئی ءَ وتی تر ءُ تاب ءِ ساھت ءَ برطانیہ ءِ سروک ءَ گوں سرکاری گند ءُ نند آنی بابت ءَ گپ ءُ تران کتگ ایشی ءَ چہ دوئیں ملک آنی نیام ءَ دو نیمگی سیادی آناں گیش مھکم بیت۔ مسلم لیگ ن برطانیہ ءِ ڈل ءَ نائب مزن وزیر ءَ را ’’سچائی ءِ جنگ‘‘ ءِ سوبمندی ءِ ھاتر ءَ ءُ میاں اوستمانی تک ءَ پاکستان ءِ پوزیشن ءَ را جوانیں رنگ ءَ دیم ءَ برگ ءِ ھاتر ءَ مبارکی دات۔