چین نا وزیرخارجہ وانگ یی شش می پاک چین وزراء خارجہ سٹریٹجک ڈائیلاگ اٹی بشخ ہلنگ کن 21 اگست آ پاکستان نا دورہ ءِ کیک، دفترخارجہ

اسلام آباد۔ 19 اگست (اے پی پی) پاکستان نا نائب وزیراعظم و وزیرخارجہ سینیٹر محمد اسحاق ڈار نا سلہ غا چین نا کمیونسٹ پارٹی نا پولیٹکل بیورو نا باسک و وزیرخارجہ وانگ یی 21 اگست 2025 آ اسلام آباد نا دورہ ءِ کیک، ہراڑے او شش می پاک چین خارجہ وزراء نا اسٹریٹجک ڈائیلاگ اٹی بشخ ہلیک۔ دفترخارجہ نا کنڈآن سے شنبے نادے آ جاری بیان نا رداٹ دادورہ پاکستان و چین نا نیام اٹ بڑزکو کہول انا ہن وبرآتا چرجوئی ءِ، ہرانا مسخت ہڑتوم آملک آتا نیام اٹ ’’ہرموسم نا سٹریٹجک شریداری‘‘ ءِ پین سوگو کننگ، اسہ ایلو نا بنداوی فائدہ غاتا باندات آتیا تین پہ تینی کمکاری ءِ پک کننگ، اقتصادی و واپاری کمکاری ءِ ودفنگ و ڈیہہ اٹی امن، شونداری و سوگوی نا اسیجائی عزم انا درشانی ءِ کننگ ءِ۔