چیئرمین وزیراعظم یوتھ پروگرام رانا مشہود احمد خان تون ترکیہ نا معارف فاؤنڈیشن نا ڈل انا اوڑدہی

اسلام آباد ۔ 19 اگست (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ پاکستان و ترکیہ نا نیام اٹ کڑمب و ایلمی تعلقداری ءِ۔ داخیال آتا درشانی ءِ او ترکیہ نا معارف فاؤنڈیشن نا نمائندگی ءِ کروک آ طالب علم آتا ڈل اتون اوڑدہی ٹی کرے۔ داوخت آ او ساڑی آ پاک بھارت جھیڑہ ٹی ترکیہ نا پاکستان کن بدل مفروک مخ تفی و ہڑتوم آ ملک آتا تین پہ تینی دودوربیدہ ئی تعلقداری ءِ ہم تالان کرے۔ سے شنبے نادے آ وزیراعظم یوتھ ونگ آن جاری بیان نا رداٹ او پارے کہ ترک ڈل انا دورہ  پاکستان و ترکیہ نا نیام اٹ دودوربیدہ ئی و تعلیمی تعلقداری ءِ سوگو کننگ اٹ مزل نا نشان مریک۔ اوڑدہی ٹی یوتھ کلچرل ایکسچینج پروگرام آ چکار کننگا ہراکہ تعلیم، سیل و سوات و زبان کون آ بشخ آتیٹی تین پہ تینی افہام و تفہیم و کمکاری ءِ مون آ دننگ کن ڈیزین کروک آ اسہ پوسکن ءُ گام اسے۔ چیئرمین وزیراعظم یوتھ پروگرام پاکستان اٹی ترک ڈرامہ غاتا بھلو کچ اسے آ مقبولیت نا حوالہ ءِ تس و کل وئی نا مخلوق نا دا ڈرامہ غاتیٹی است خواہی ءِ ودوک آ دودوربیدہ ئی تعلق نا شاہدی گوندا۔ اواردو و ترکیہ نا نیام اٹ تاریخی رشتہ غاتیاہم زور شاغا ہراڑآن ملک آتا نیام اٹ تعلقداری پین زیات مس ۔ چیئرمین یوتھ پروگرام ترک معارف فاؤنڈیشن تون مفاہمت نا یات داشت (ایم او یو) آ دستخط کننگ نا ڈٹ آتیاہم گپ وتران کرے ہرانا مسخت دودوربیدہ ئی تبادلہ و تعلیمی کمکاری ءِ مون آ دننگ ءِ۔