بنجاھی وزیر میر سرفراز بگٹی ءِ سروکی ءَ کوئٹہ ءِ دیمروئی منصوبگ ءِ ھوالگ ءَ ھاسیں دیوان

کوئٹہ۔ 18 اگست (اے پی پی): بلوچستان ءِ سر وزیر میر سرفراز بگٹی ءِ سروکی ءَ بنجاھی وزیر سیکرٹریٹ ءَ دوشمبے ءِ روچ ءَ کوئٹہ ءِ دیمروئی منصوبگ ءِ ھوالگ ءَ ھاسیں دیوان ءِ برجم دارگ بوت۔ گند ءُ نند ءِ تہ ءَ کمشنر کوئٹہ ڈویژن شہزیب کاکر ءُ پروجیکٹ ڈائریکٹر محمد رفیق بلوچ ءَ بریفنگ ءِ تہ ءَ سرپدی دات کہ کوئٹہ ءِ دیمروئی منصوبگ ءِ چیر دستی ءَ تاں انوگ ءَ 6 منصوبگ سرجم بوتگ اَنت، وھدیکہ اے سال ءِ دسمبر ءَ تاں دگہ 6 منصوبگ سرجم کنگ بنت۔ اے منصوبگ آنی تہ ءَ بنیاتی ڈھانچگ ءِ گہتری، شہری آسراتی آنی پھجارینگ ءُ صوبائی دارالحکومت ءِ زیبائی ءَ را گیش کنگ ءِ گامگیج ھوار اَنت۔ بنجاھی وزیر بلوچستان میر سرفراز بگٹی ءَ دیوان ءَ گوں تران کنان ءَ گوشت کہ کوئٹہ صوبہ ءِ دلبند ءُ مستریں شہر انت، پمیشکا ادا دیمروئی منصوبگ آنی سرجمی ءِ تہ ءَ ھچ وڑیں تنبلی ءُ لاپرواہی برداشت کنگ نہ بیت۔ آئی ءَ ہدایت کت کہ درستیں منصوبگ آنی سر ءَ کار ءِ رفتار ءَ را گیش تیز کنگ بہ بیت تانکہ ایشانی میوہ براہ راست عام مردم ءَ سر بہ بنت۔ آئی ءَ گوشت کہ بلوچستان حکومت الس ءَ را گہتریں آسراتی پجارینگ ءُ صوبائی دارالحکومت ءَ را نوکیں لوٹ آنی گوما ھمگرنچ جوڑ کنگ ءِ واستہ ھمک رنگ ءِ گام گیج کنگ ءَ انت۔ میر سرفراز بگٹی ءَ سیادی داروکیں محکمہ ءُ ادارگ آناں ہدایت کت کہ آ دیمروئی منصوبگ آنی کوالٹی ءِ سر ءَ سازش مہ کن اَنت ءُ ایشانی وھد ءِ سر ءَ سرجمی ءَ را دل یکیمی بہ کن اَنت۔ گند ءُ نند ءَ کوئٹہ شہر ءِ سرجمیں دیمروئی، آسراتی پجاری ءُ شہری جیڈھ آنی دائمی گیواری ءِ واستہ جتاجتائیں پنت ءُ شون ھم ھیال ءُ لیکہ کنگ بوتگ اَنت۔