گلگت بلتستان ءِ سیلاب ءُ زمین چنڈ ءَ آماچیں ضلع آنی تہ ءَ پاک فوج ءَ کمکی کار برجاہ انت

اسلام آباد۔18اگست  (اے پی پی):گلگت بلتستان ءِ سیلاب ءُ زمین چنڈ ءَ چہ آماچیں ضلع آنی تہ ءَ پاکستانی فوج ءِ کمکی کار برجاہ انت وھدیکہ آرمی انجینئر کور ءُ ایف ڈبلیو او زمین چنڈ ءِ سبب ءَ بندیں سڑک آناں پچ کنگ ءَ ھوار انت۔ زانگ بہ بیت کہ گوستگیں سیلاب ءُ زمین چنڈ ءِ وھد ءَ گلگت بلتستان چہ ملک ءِ دگہ دمگاں زمینی وسیلہ ءَ کٹ اتگ ات۔ آرمی چیف ءِ ھاسیں پنت ءُ شون ءِ سرا پاک فوج ءِ انجینئر کور گلگت بلتستان ءَ شاہراہانی بحالی ءِ سرا کار کنگ ءَ انت۔ قراقرم شاہراہ کہ زمین چنڈ ءِ سبب ءَ بند بوتگ ات ڈائیورژن ءِ ذریعہ ءَ ترافیک ءِ واستہ پچ کنگ بوتگ۔ ھمے رنگ ءَ اسلام آباد گلگت ءَ چہ بابوسر ٹاپ ہائی وے ، جگلوٹ اسکاردو روڈ ءَ استحک پل ءَ ابید ٹریفک ءِ واستہ بحال کنگ بوتگ ۔ دیوسائی روڈ ھم پہ عمومی ٹریفک ءَ پچ کنگ بوتگ ءُ ھنزا روڈ کہ استووار ءُ چینی سیمسر ءَ روگ ءَ اِنت ھم پہ عمومی ٹریفک ءَ پچ کنگ بوتگ۔ زانگ بہ بیت کہ پاک فوج کمکی کارانی کنگ ءُ زمینی رابطہ ءِ سرجمی ءَ بحال کنگ ءِ واستہ شپ ءُ روچ کار کنگ ءَ انت ءُ دمگی الس پاک فوج ھاسیں رنگ ءَ انجینئر کور ءِ بے دروریں ازمت آناں ساڑاگ ءَ انت۔