خیبر پختونخوا ءَ آرمی فلڈ ریلیف آپریشن ءِ سر ءَ سیلاب ءَ چہ آماچیں دمگ آنی مردم پاک فوج ءَ را توسیپ ءُ ستا

اسلام آباد۔18اگست  (اے پی پی):خیبر پختونخوا ءِ سیلاب ءَ چہ آماچیں دمگ آنی الس ءَ سیلاب ءَ چہ آماچیں باجور، سوات ءُ ملاکند ڈویژن آنی تہ ءَ آرمی فلڈ ریلیف آپریشن ءِ ھوالگ ءَ پاک فوج ءَ را خراج تحسین پیش کت ءُ پاک فوج ءِ منت واری درشان کت ءُ گوشت کہ پاک فوج ءَ مارا ھچ وڑیں مشکل ءِ تہ ءَ کمک نہ کت۔ مردماں گوشت کہ مئے سپاھیگاں بے پرواہ ءَ شپ ءُ روچ ادا اتکگ ءُ الس ءَ را سلامتی ءَ چہ رکینتگ، ما وھد ءِ سر ءَ کمک کنگ ءَ پاک فوج ءِ دل ءِ جہلانکی ءَ منت وار ایں ۔ آہاں گوشت کہ ما وتی چماں گوں دیستگ کہ پاکستانی فوج شپ ءُ روچ مہلوک ءِ حذمت ءَ اودا بوتگ، ما دیستگ کہ ادا ہیلی کاپٹر آہگ ءَ انت کہ مہلوک ءَ را ریلیف دیگ ءَ انت ءُ ہمے رنگ ءَ زھگ، زالبول ءُ پیریناں ایمنیں جاہاں سر کنگ ءَ انت۔ اگاں مئے لشکر مہ بوتیں گڑا بوت کنت کہ مارا ھچ وڑیں حمایت نہ رستگ ات پرچا کہ مئے ایم این اے یا نمائندہ ھچ وڑ ءَ اد ءَ نہ اتکگ اتنت۔ آئی ءَ گْوشتگ کہ اے ھما لشکر اِنت کہ لھتے مردم ایراد جن اَنت بلے ھمے لشکر گوں مشینری ءَ مئے کُمک ءَ اَتک ءُ مئے کش ءَ اوشتاتگ۔ ما دل ءِ جہلانکی ءَ چہ پاک فوج ءِ جزبگ ءُ ازمت ءَ ساڑاھگ ءَ ایں ۔