بلوچستان حکومت ءَ گلگت بلتستان ءُ خیبر پختونخوا ءَ سیلاب ءِ آماچیں ھاندانانی واستہ کمکی سامانانی مزنیں کساسے دیم داتگ

کوئٹہ ۔18اگست  (اے پی پی):بلوچستان سرکار ءَ گلگت بلتستان ءُ خیبر پختونخوا ءَ سیلاب ءِ آماچیں ھاندانانی واستہ کمکی سامانانی مزنیں کساسے دیم داتگ۔ بلوچستان سرکار ءِ جارکش شاہد رند ءِ رد ءَ آماچیں صوبہ آنی مہلوک ءِ زوتیں لوٹ آنی رد ءَ سر وزیر میر سرفراز بگٹی ءِ ھاسیں پنت ءُ شون ءِ رد ءَ کمکی سامان دیم دیگ بوتگ انت۔ امدادی سامان آنی تہ ءَ بنیاتی لوٹ ءُ گزر ءِ سامان ھوار اَنت کہ آ آماچیں ھاندان آنی تہ ءَ بھر ءُ بانگ کنگ بنت۔ آئی ءَ گوشت کہ گلگت بلتستان ءَ 1500 ءُ خیبر پختونخوا ءَ 1000 آماچیں ھاندان ءَ را کمکی سامان دیم دیگ بوتگ۔ جارکش شاہد رند ءُ ڈائریکٹر جنرل پی ڈی ایم اے بلوچستان جہانزیب خان ءَ مال آماچیں دمگاں دیم داتگ انت۔ جارکش ءَ گوشت کہ بلوچستان حکومت اے مشکل ءِ ساھت ءَ گلگت بلتستان ءُ خیبر پختونخوا ءِ الس ءِ ھمراھی ءَ اوشتاتگ انت۔ سیلاب ءَ آماچیں براتانی کمک کنگ اصل ءَ بلوچستان حکومت ءِ انسان دوستیں ہمدردی ءُ یکوئی ءِ عملی درشان اِنت۔ آئی ءَ گوشت کہ بلوچستان ءِ الس آماچیں صوبہ آنی الس ءَ گوں وتی غم، درد ءُ وسیلگ آناں بھر ءُ بانگ کنگ ءَ وتی ذمہ واری لیک ایت۔ ڈائریکٹر جنرل پی ڈی ایم اے بلوچستان جہانزیب خان ءَ گوشت کہ آماچیں ھاندان آنی واستہ دیم دیگ بوتگیں کمکی سامان جوانیں کوالٹی ءِ اَنت ایشی ءِ تہ ءَ ھما چیز ھوار اَنت کہ آھانی زوتیں لوٹ ءَ اَنت۔ آئی ءَ گوشت کہ ریلیف ءِ چیز باقاعدہ ٹیسٹنگ ءُ سٹینڈرڈ اسٹینڈرڈ ءِ رد ءَ تیار کنگ بوتگ تانکہ آماچیں مردم آناں عملی آسراتی پجاری کنگ بہ بیت۔ ڈی جی پی ڈی ایم اے ءَ گوشت کہ تنظیم ءَ اے گپ ءِ سر ءَ دل یکیمی کتگ کہ آماچیں مردم آنی گور ءَ سر بوھوکیں ھرچ چیز ءِ کوالٹی ءُ کارمرد کنگ ءِ لائک بہ بیت۔ بلوچستان حکومت ءَ کمکی سامان ءِ نہ ایوک ءَ وھد ءِ سر ءَ بلکینگ ءَ کارآمدیں رنگ ءَ پھجاری ءَ دل یکیمی کتگ تانکہ آماچیں کھول ءِ درد ءُ رنجاں بھر ءُ بانگ کنگ بہ بیت۔ بلوچستان ءِ سر وزیر میر سرفراز بگٹی ءَ اے موہ ءِ سر ءَ وتی کلوہ ءِ تہ ءَ گْوشتگ کہ سیلاب ءِ آماچیں مردمانی ھمک رنگیں کمک بلوچستان سرکار ءِ اولی ترجی اِنت ءُ آماچیں ھاندان ایوک ءَ یلہ نہ بنت۔