سیلاب ءِ آماچیں مردمانی کمک مئے راجی فرض اِنت، وفاقی حکومت راجی ذمہ واری ءِ چیر دستی ءَ وتی کرد ءَ پیلو کنگ ءَ اِنت، این ڈی ایم اے مزن وزیر عطا اللہ تارڑ ءِ پنت ءُ شون ءِ رد ءَ صوبائی حکومت آنی گوما مدام رابطہ ءَ اِنت

اسلام آباد۔18اگست  (اے پی پی): وفاقی وزیر اھوالکاریءُ شنگکاری عطا اللہ تارڑ ءَ گوشت کہ سیلاب ءِ آماچیں مردمانی کمک کنگ مئے راجی فرض اِنت، وفاقی حکومت راجی ذمہ واری ءِ چیر دستی ءَ وتی کرد ءَ پیلو کنگ ءَ اِنت، این ڈی ایم اے مزن وزیر ءِ پنت ءُ شون ءِ رد ءَ صوبائی حکومت آنی گوما مدام رابطہ ءَ اِنت، امدادی سامان آناں کمک کنگ بوھگ ءَ اِنت۔ چہ آماچیں دمگاں درکپگ ءَ انت۔ دو شمبے ءِ روچ ءَ مزن وزیر ءِ سروکی ءَ سیلاب ءُ کمکی کارانی ھوالگ ءَ دیوان ءَ پد موسمیاتی بدلی ءِ وفاقی وزیر مصدق ملک ءُ این ڈی ایم اے ءِ چیئرمین لیفٹیننٹ جنرل انعم حیدر ءِ گوما میڈیا ءَ را بریفنگ کنان ءَ وفاقی وزیر ءِ اھوالکاری ءَ گوشت کہ گوستگیں مون سون ءِ ھور ءُ سیلاب ءِ جاور ھال ، ایشی ءِ تہ ءَ کٹونبخیبر ءِ تہ ءَ کمکی کار ھوار اَنت۔ مزن وزیر ءِ سروکی ءَ دیوان ءَ چار ءُ تپاسی کنگ بوتگ۔ آئی ءَ گوشت کہ وفاقی حکومت صوبائی حکومت آنی گوما سرجمیں ھمگرنچی ءَ کار کنگ ءَ انت۔ عطا اللہ تارڑ ءَ گوشت کہ مون سون ءِ ھور ءَ چہ پیسر نیشنل کمانڈ اینڈ کنٹرول سنٹر ءَ بازیں دیوان برجم دارگ بوتگ کہ ایشی ءِ تہ ءَ توامیں صوبائی حکومت آنی نمائندگ آناں بھر زرتگ۔ نیشنل ڈیزاسٹر مینجمنٹ اتھارٹی ءِ زوتیں ھال ءِ نظام ءِ وسیلگ ءَ سیادی داروکیں واکدار آناں باقاعدہ ڈیٹا داتگ۔ آئی ءَ گوشت کہ ایمرجنسی جاوراں گوں گر ءُ چیل بوھگ ءِ واستہ راجی تک ءَ کوشست کنگ بوھگ ءَ انت۔ وفاقی وزیر ءَ گوشت کہ مزن وزیر ءِ پنت ءُ شون ءِ رد ءَ این ڈی ایم اے صوبائی حکومت آنی گوما مُدام رابطہ ءَ انت، کمکی سامان ءُ کمکی کار کنگ بوھگ ءَ انت۔ آماچیں دمگاں پاک فوج ءُ وشھالی ءِ گل ھم سرگرم انت۔ آئی ءَ گوشت کہ سیکرٹری کمیونیکیشن پیسر ءَ چہ جگلوٹ ءُ اسکاردو روڈ ءِ جوڑیشت ءُ بحالی ءِ واستہ گلگت بلتستان ءَ انت تانکہ اسکاردو ءَ را گلگت ءَ گوں دوبر جوڑ کنگ بہ بیت، وھدیکہ چیئرمین این ایچ اے ملاکنڈ ڈویژن ءَ انت تانکہ سرجمیں روڈ رابطہ بحال کنگ بہ بیت۔ انجینئر امیر مقام ھم گوستگیں بازیں روچاں چہ کمکی کارانی سر ءَ ذاتی نگرانی ءَ کنگ ءَ اِنت۔ آئی ءَ گوشت کہ وفاقی حکومت ءَ وفاقی وزیر ءُ ایندگر سیادی داروکیں کارندہ آناں آماچیں دمگ آنی تہ ءَ ساڑی بوھگ ءِ پنت ءُ شون کتگ۔ آئی ءَ گوشت کہ این ڈی ایم اے ءِ وسیلگ ءَ سڑک، آپ ءُ بجلی ءِ نظام ءِ بحالی ءَ را دل یکیمی کنگ بیت، ءُ کمکی سامان آنی سر کنگ ءِ سر ءَ ھم نگرانی کنگ بیت تانکہ آ ترندیں وھد ءَ زدگیں مردم آنی گور ءَ سر بہ بنت۔ وفاقی وزیر ءِ اھوالکاری ءَ گوشت کہ مزن وزیر ءَ اے گپ پدر کتگ کہ اے راجی فرض اِنت، ایشی ءِ تہ ءَ وفاقی ءُ صوبائی حکومت ءِ نیام ءَ ھچ وڑیں فرق نیست، درستیں ادارگ یکجائی ءَ آماچیں مردم آناں زندگ کنگ ءُ بنیاتی ڈھانچگ ءِ جوڑ کنگ ءِ واستہ کار کنگ ءَ اَنت۔