درچک مئے چاگرد ءِ تہا زند ءِ علامت انت ءُ موسمیاتی بدلی ءِ ھلاپ ءَ مھکمیں دیمپانی انت، صدر آصف علی زرداری

اسلام آباد۔18اگست  (اے پی پی): صدر ءِ مملکت آصف علی زرداری ءَ گوشت کہ درچک مئے چاگرد ءَ زندمان ءِ علامت انت ءُ موسمی بدلی ءِ ھلاپ ءَ مھکمیں دیمپانی انت۔ درچک درجہ حرارت ءَ کم کن اَنت، بارش ءِ آپ ءَ جذب کن اَنت، ءُ سیلاب ءُ زمین چنڈ ءَ ھم کم کن اَنت۔ ھمک درچک کہ ایر کنگ بیت آفتانی دیم ءَ سپر ءُ نسلانی زند ءِ وسیلہ اِنت۔ سرجمیں ملک ءَ درچک کشی ءِ مہم 18اگست ءَ ھما وھد ءَ بندات کنگ بوھگ ءَ اِنت کہ پاکستان ءَ موسمی بدلی ءِ سبب ءَ مزنیں ھترہ ءِ آماچ اِنت۔ ھمک راجے ءِ وشھالی ءُ دیمروی گوں آئی ءِ جنگل ءُ طبیعی چاگرد ءِ رکھینگ ءَ بندوک اِنت۔ جنگلانی کٹائی، درجہ حرارت ءِ گیش بوھگ ءُ مدام سیلاب ءِ وڑیں چیلنج لاکھوں مردمانی جان ءَ را متاثر کن انت۔ ناکافی جنگل سیارہ ءِ آفتانی آماچ بنت کہ مئے معیشت، زراعت ءُ وشحالی ءَ را خطرہ ءَ چہ رکینت کن انت۔ درچک کشت ءِ مہم علامتی نہ انت بلکیں پاکستان ءِ آیوکیں باندات ءِ رکھینگ ءِ ھاتر ءَ یک ھاسیں گامگیج انت۔ صدر آصف علی ءَ یک شمبے ءِ روچ ءَ صدر ءِ ایوان ءِ پریس ونگ ءَ چہ مون سون پلانٹیشن مہم ءِ ھوالگ ءَ جاڑی کتگیں کلوہ ءِ تہ ءَ زرداری ءَ گوشت کہ درچک مئے چاگرد ءِ تہ زندمان ءِ علامت انت ءُ موسمی مٹ ءُ بدلی ءِ ھلاپ ءَ مھکمیں دیمپانی انت۔ آئی ءَ گوشت کہ درچک ھوا ءِ ساپ کنگ ءُ مٹی ءَ را زرخیز جوڑ کنگ ءَ کمک کن اَنت، موسم ءَ را متوازن دارگ ءَ کمک کن اَنت ءُ مئے گران بھائیں آپی وسیلگ آناں رکھینگ ءَ ابید زندمان ءِ بے کساسیں نسل آناں پناہ گاہ ھم دنت۔ صدر ءِ مملکت ءَ گوشت کہ درچک درجہ حرارت ءَ را کم کنت، ھور ءِ آپ ءَ را جذب کنت، سیلاب ءُ زمین چنڈ ءَ را کم کنت، ھمک درچک ایر کنگ بیت آ آفت آنی ھلاپ ءَ سپر ءُ نسل آنی واستہ زندمان ءِ وسیلگ انت۔ آئی ءَ گوشت کہ اے سال ءِ اگست ءَ چہ اکتوبر ءَ تاں سرجمیں پاکستان ءَ 41 ملین ءَ چہ گیش پودگ جنئگ بیت۔ اے کمپین چہ شھمکاں بگر داں میتگ ءُ اسکولاں بگر داں سرکاری ادارہاں نہ ایوک ءَ مئے ندارگاں نوکیں رنگے ءَ جوڑ کنت بلکیں موسمیاتی آفتانی ھلاپ ءَ تابکاری ءَ ھم گیش کنت ءُ سبزیں آیوکیں وھد ءِ بُن ھشت ءَ ایر کنت۔ صدر آصف علی زرداری ءَ گیش گوشت کہ درچک کشی مہم ءِ سوبمندی اجتماعی ذمہ واری ءِ سر ءَ بندوک اِنت، ورنا اے مہم ءِ سروکی ءَ بدلی ءِ سفیر ءِ رنگ ءَ بہ کن اَنت، میڈیا اے رد ءَ مردم آناں دلبڈی بہ دنت وھدیکہ کشت ءُ کشاری ءَ چہ فصل ءُ چاگرد ءِ رکھینگ ءَ کت کنت۔ آئی ءَ گوشت کہ سول سوسائٹی، کمیونٹی رہشون ءُ دینی زانتکار اے ھاسیں راجی فرض ءِ کمک ءِ واستہ الس ءَ را متحرک کت کن انت، ھمک شھمکی درچک کشت ءَ را راجی فرض لیک ایت۔ آئی ءَ گوشت کہ اے وڑیں نازرکیں وھد ءَ کہ موسمی بدلی ءَ سیلاب ءُ جمبر ءِ وسیلگ ءَ خیبر پختونخوا ءُ ملک ءِ ایندگر دمگ آنی تہ ءَ تباہی ءُ بربادی کتگ، مارا گیش ءَ چہ گیش درچک ءِ کشت ءُ کشار ءِ واستہ فیصلہ کنوکیں گامگیج چست کنگ لوٹ ایت۔ مئے اجتماعی پسو ”گرین پاکستان پروگرام“ ءَ را دیم ءَ برگ ءِ ھاترا ندر کنگ بہ بیت، جنگل ءِ کور ءَ را گیش کنگ، فطرت ءِ توازن ءَ را بحال کنگ ءِ ھاترا، ایشی ءِ تہ ءَ ھترناکیں زمیناں ھوار، ءُ فطرت ءِ سر ءَ بنیات ءِ سر ءَ گیواری ءِ دیمروئی ءِ ھاترا یک راجی گامگیج ءِ ھاترا ندر کنگ بہ بیت۔ اے گپ ایوک ءَ درچک ءِ کشت ءُ کشار ءِ بابت ءَ نہ اِنت بلکیں یک جان سلامتیں چاگردے ءِ جوڑ کنگ، روزی ءِ رکھینگ ءُ آیوکیں نسلانی واستہ موسمیاتی لچک ءِ یقینی جوڑ کنگ ءِ بابت ءَ ھم اِنت۔ صدر آصف علی زرداری ءَ اے درچک ءِ کشت ءُ کشار ءِ مہم ءِ تہا درستیں ملکاں چہ اپیل کت کہ آ اے شرپداریں کار ءَ بھمک بہ زور انت ءُ آیوکیں نسل آنی واستہ سبز تر، ساپ ءُ پلگار ءُ وشحالیں پاکستان ءِ جوڑ کنگ ءِ واستہ پودگ بہ کش انت۔