ریلوے ءِ وفاقی وزیر محمد حنیف عباسی ءَ عوام ایکسپریس ءِ وئیل ءِ نوٹس زرتگ، ہفت روچ ءِ تہا رپورٹ لوٹ اتگ

اسلام آباد۔17اگست (اے پی پی): ریلوے ءِ وفاقی وزیر محمد حنیف عباسی ءَ پشاور ءَ چہ کراچی ءَ روگ ءَ عوام ایکسپریس ءِ وئیل ءِ نوٹس زرتگ ءُ ہفت روچ ءِ تہا رپورٹ جم کنگ ءِ پنت ءُ شون کتگ۔ وزارت ریلوے ءِ ردا عوام ایکسپریس ءِ وئیل لودھران ریلوے اسٹیشن ءِ نزیک ءَ بوتگ۔ حادثہ ءِ سبب ءَ 2 کوچ ریل ءَ چہ در کپتگ انت ءُ 3 بوگی ھوار سامان ءِ وین ءِ سرا چہ ریل ءَ کپتگ انت۔ حالانی ردا یک مسافر بیران ءُ بیست ءُ یکمسافر ٹپی بوتگ انت۔ وزارت ریلوے ءَ گشتگ بہاول پور ہسپتال ءَ دو گرانیں ٹپیگاں طبی کمک دیگ بوہگ ءَ انت وھدیکہ کسان سالیں ٹپیگاں ڈی ایچ کیو ہسپتال لودھران ءَ طبی کمک دیگ بوہگ ءَ انت۔ ریلوے ءِ وفاقی وزیر ءَ مسافر ءِ بیرانی ءِ سرا غم ءِ درشانی کتگ ءُ ٹپیگ آنی زوت جان سلامتی ءِ دعا کتگ۔ زانگ بہ بیت ڈی ایس ملتان ءُ میڈیکل ٹیم حادثہ ءِ جاہ ءَ سر بوتگ انت ءُ کمکی کاراں گوں مشکول انت دانکہ مسافراں ھمک وڑیں طبی آسراتی پجارینگ بہ بنت۔ ریلوے ءِ وفاقی وزیر محمد حنیف عباسی ءَ ریلوے ءِ کارندہ آناں پنت ءُ شون کتگ کہ آ زوتاں چہ زوت ریسکیو کار ءَ سرجم بہ کن اَنت ءُ ڈاؤن ٹریک ءَ را بحال بہ کن اَنت۔ حادثہ ٹرین ءِ مسافراں دگہ ٹرین ءِ وسیلہ ءَ وتی منزل ءَ روان داتگ انت، وھدے کہ ٹرین اپ ٹریک ءِ سرا چلائینگ بوھگ ءَ انت۔ ہچ ٹرین ءَ را متاثر نہ بوتگ۔ ریلوے ءِ وزیر ءَ حادثہ ءِ جاہ ءِ پٹ ءُ پول ءِ پرمان داتگ ءُ گشتگ ہفت روچ ءِ تہا رپورٹ جم کنگ بہ بیت۔