ریلوے ءِ وزیر ءَ عوام ایکسپریس ءِ ریل ءَ چہ ایر کپگ ءِ ترندیں پٹ ءُ پول ءِ پرمان داتگ

اسلام آباد۔17اگست (اے پی پی): ریلوے ءِ وفاقی وزیر محمد حنیف عباسی ءَ لودھران ریلوے اسٹیشن ءِ نزیک ءَ عوام ایکسپریس ءِ ریل ءَ چہ درآہگ ءِ سکیں نوٹس ءِ سرا ٹپیگ آناں ترندیں معیار ءِ طبی کمک ءِ ھاتر ءَ زوتیں وھد ءَ دیر کنگ ءِ پرمان داتگ ءُ 7 روچ ءِ تہ ءَ یک سرجمیں رپورٹ ءِ لوٹ کتگ۔ یک شمبے ءِ روچ ءَ عوام ایکسپریس ءِ ریل ءَ چہ درآہگ ءِ ھوالگ ءَ میڈیا چینلاں گوں تران کنان ءَ آئی ءَ سیادی داروکیں محکمہ ءُ ڈویژنل سپرنٹنڈنٹ ریلوے ءَ را سک باز پنت ءُ شون کتگ کہ آ زوت حادثہ ءِ جاہ ءَ بہ رو اَنت ءُ ہچ وڑیں دیر کنگ ءَ ابید درستیں ریسکیو آپریشن ءَ را ترند بہ کن اَنت۔ آئی ءَ ریلوے ءِ درستیں کارندہ آناں سک باز ھال داتگ کہ ھرچ وڑیں لاپروائی یا تاخیر برداشت کنگ نہ بیت ءُ سکیں تادیبی کارروائی کنگ بیت۔ وفاقی وزیر ءَ گیش گوشت کہ پٹ ءُ پول ءَ را گیش ءَ چہ گیش شفافیت ءُ ترندی ءَ گوں کنگ بہ بیت تانکہ لاپروائی ءِ ذمہ وار کانود ءِ رد ءَ سرجمیں رنگ ءَ احتساب کنگ بہ بنت۔ آئی ءَ اے گپ ءِ سر ءَ زور پر دات کہ مسافر آنی جان سلامتی ءَ را دل یکیمی کنگ اولی ترجی اِنت۔