وفاقی وزیر دفاع خواجہ محمد آصف ءَ شھمکی ءُ مسلم لیگ ن ءِ رہشونانی نیمگ ءَ چہ نشان امتیاز ءِ پجّار ءِ پد ءَ مبارک بات داتگ

سیالکوٹ۔17اگست (اے پی پی): وفاقی وزیر دفاع خواجہ محمد آصف ءَ را گوستگیں پاک ہندوستان ءِ جنگ ءُ آپریشن بنیان مرصوص ءِ تہا آئی ءِ جوانیں کرد ءِ سرا نشان امتیاز ءِ داد دیگ ءَ پد سرجمیں سیالکوٹ ءَ وشحالی ءِ لھمک شنگ بوت۔ یک شمبے ءِ روچ ءَ مزنیں کساسے ءَ شھمکی سیالکوٹ کانٹ ءَ آئی ءِ گس ءَ سر بوتگ اَنت کہ اودا وفاقی وزیر دفاع خواجہ محمد آصف ءَ را پُل ءِ مالا جتگ، مٹھائی ءِ بھر ءُ بانگ کنگ بوتگ ءُ مبارکی برجاہ بوتگ۔ اے موہ ءِ سر ءَ مسلم لیگ ن ءِ بنجاہی ءُ مرکزی راہشون ھم ساڑی بوتگ اَنت ءُ مزنیں لبزاں گوں خواجہ محمد آصف ءِ ازمت ساڑاتگ اَنت۔ سروک آں گوشت کہ خواجہ محمد آصف ءَ مدام پاکستان ءِ ایمانداری ءُ دفاع ءِ واستہ مثالی کرد پیلو کتگ ءُ نشن امتیاز آئی ءِ سروکی ءِ گواہ انت۔ شھمکی آں اے موہ ءِ سر ءَ وتی جزبگ آنی درشانی کت ءُ گوشت کہ سیالکوٹ ءَ را فخر اِنت کہ آئی ءِ سرڈگار ءَ انچیں زھگ پیداک کتگ کہ آئی ءَ ھمک گرانیں وھد ءَ مھروانیں وطن ءِ رکھینگ ءَ را اولی ترجی داتگ۔ زانگ بہ بیت کہ 14اگست ءَ اسلام آباد ءَ آجوئی ءِ روچ ءِ مستریں مراگش ءِ ساھت ءَ پاکستان ءِ حکومت ءَ وزیر دفاع خواجہ محمد آصف ءَ را ملک ءِ مستریں داد نشان امتیاز داتگ ءُ آئی ءِ دلیری ءِ سروکی ءُ حکمت عملی ءِ تہ ءَ جوانیں ازمت آنی ستا ءَ کتگ۔