خیبر پختونخوا ءَ فلیش فلڈ ءِ سبب ءَ سردار ایاز صادق ءَ جانی تاوان ءِ سرا غم ءِ درشانی

اسلام آباد۔16اگست  (اے پی پی):راجی اسمبلی ءِ اسپیکر سردار ایاز صادق ءَ خیبر پختون ءِ ضلع بنیر، بٹاگرام، ہزارہ، سوات، باجور ءُ ملاکند خواہ ءَ مون سون ءِ ھور ءُ جمبر ءِ سبب ءَ بوتگیں فلیش سیلاب ءِ سبب ءَ جانی تاوان ءِ سر ءَ دلپدردی ءُ رنج ءِ درشانی کتگ۔ ادا جاڑی بوتگیں بیان ءِ رد ءَ اسپیکر سردار ایاز صادق ءَ سیلاب ءِ آماچیں مردمانی گوما دل ءِ جہلانکی ءَ ہمدردی ءُ یکوئی ءِ درشانی کتگ ءُ گشتگ کہ بیران بوتگیں مردمانی کھول ءِ غم ءُ غم ءَ شریک انت۔ خیبر پختونخوا ءَ ھئور ءِ سبب ءَ جانی تاوان ءِ سرا منی دل ءَ رنج انت۔ من اے گرانیں وھد ءَ خیبر پختونخوا ءِ الس ءُ حکومت ءِ گوما وتی سرجمیں یکوئی ءِ درشان کناں۔ اسپیکر راجی اسمبلی ءَ گوشت کہ آ جتا جتائیں سانحہ آنی تہ ءَ بیران بوتگیں مردمانی کھول آنی غم ءَ را شریک اِنت، بیران بوتگیں مردم آنی غم ءُ مشکلات ءَ را سرجمی ءَ سرپد اِنت، ءُ اے گرانیں وھد ءَ آماچیں کھول آنی کمک ءَ کنت۔ قومی اسمبلی ءِ صدر ءَ گوشت کہ الس ھاسیں رنگ ءَ ورنا آماچیں مردمانی کمک ءِ واستہ کمکی کار آنی تہ ءَ سرگرمیں رنگ ءَ بھر زوری بہ کن اَنت۔ ما مشکلیں وھد ءَ خیبر پختونخوا ءِ مہلوک ءِ گوما اوشتاتگ آں ۔ خیبر پختونخوا ءَ سیلاب ءِ جاور سرجمیں راج ءِ واستہ چکاس انت۔ بیا اِت ما درست یکجاھی ءَ وتی براتانی کمک ءَ بہ کن ایں. سردار ایاز صادق ءَ گوشت کہ ٹپیگ آنی زوت جان سلامتی ءِ واستہ دعا لوٹاں۔ غم ءِ آماچیں ھاندان ءَ اللہ تعالیٰ سگ ءُ اوپار ءُ  زکت بدیات۔