خیبر پختونخوا ءَ سیلاب ءِ سبب ءَ جانی ءُ مال ءِ تاوان ءِ سرا ریلوے ءِ وزیر ءِ غم ءِ درشانی

لاہور۔16اگست  (اے پی پی):خیبر پختونخوا ءَ سیلاب ءِ سبب ءَ ریلوے ءِ وفاقی وزیر محمد حنیف عباسی ءَ سیلاب ءِ سبب ءَ جانی ءُ مال ءِ تاوان ءِ سر ءَ دلپدردی ءُ رنج ءُ گم ءِ درشانی کتگ۔ شمبے ءِ روچ ءَ ریلوے ہیڈ کوارٹر ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ اناگت ءَ آفت ءِ اے گرانیں وھد ءَ پاکستان ریلوے خیبر پختونخوا ءِ گھار، برات، جنک ءُ مات آنی ھزمت ءَ وتی توان ءِ گیش ءَ چہ گیش کنت۔ ریلوے ءِ وزیر ءَ گیش گوشت کہ ھما وڑ ءَ کہ وفاقی حکومت ناشرکاری ءِ ھلاپ ءَ جنگ ءَ خیبر پختونخوا ءِ الس ءِ ھمراھی ءَ اوشتاتگ ھمے رنگ ءَ سیلاب ءِ آفت ءَ ھم آوانی کمک ءَ کنت۔ آئی ءَ چہ الس ءَ ھم دزبندی کتگ کہ آ بوت کنوکیں ھور ءُ سیلاب ءِ رد ءَ احتیاطی گامگیج بہ زور اَنت۔