ڈی جی آئی ایس پی آر لیفٹیننٹ جنرل احمد شریف چوہدری ءَ آئی ایس پی آر ءِ انٹرنشپ پروگرام ءَ ہواریں نودربراں گوں ھاسیں گند ءُ نند کتگ

اسلام آباد۔16اگست  (اے پی پی):ڈی جی آئی ایس پی آر لیفٹیننٹ جنرل احمد شریف چوہدری ءَ پاک فوج ءِ انٹر سروسز پبلک ریلیشنز ءِ نیمگ ءَ برجم داشتگیں جاری انٹرنشپ پروگرام ءَ ہواریں نودربر آنی گوما ھاسیں گند ءُ نند کت۔ اے درگت ءَ پاکستان ھاسیں رنگ ءَ بلوچستان ءِ بابت ءَ زندگیں گپ ءُ تران بوت۔ ڈی جی آئی ایس پی آر ءَ ھم بلوچستان ءِ نودربرانی جُست ءُ پُرسانی سر ءَ سرجمی ءَ پسّو داتگ اَنت۔ بلوچستان ءَ ناشرکاری ءِ حلاف ءَ مزنیں آپریشن ءِ لوٹ ءِ سر ءَ ڈی جی آئی ایس پی آر ءَ گوشت کہ اے مئے ذہن ءَ ایر کنگ بیت کہ بلوچستان ءِ مہلوک ءُ ورنا آنی تہ ءَ پاکستان ءِ واستہ چیزے رُدگ ءَ انت۔ بلوچستان ءِ مہلوک پاکستان ءُ صوبہ ءِ سیادی ءَ سک شر سرپد انت۔ میجر محمد انور کاکڑ  شہید مئے سکیں درخشانیں افسر ءُ اے سرڈگار ءِ مزنیں بچ ات ۔ میجر محمد انور کاکڑ  ءَ چہ پیسر پی سی ہوٹل گوادر ءِ اُرش ءَ ھم بازیں ناشرکار کشتگ اَت۔ ڈی جی آئی ایس پی آر ءَ گوشت کہ پاکستان ءَ را آزات دارگ ءِ واستہ ھمک روچ فوجی افسر، فوجی ءُ لس مردم قربانی دیگ ءَ انت۔ آئی ءَ گوشت کہ کجام ھم دمگ ءَ آپریشن ھما وھد ءَ سوبمند بیت کہ مہلوک وت ناشرکار آنی پجار ءَ بہ کنت، اے گپ نہ انت کہ فوج یک دمگے ءَ را ھالیگ بہ کنت، آپریشن بہ کنت، وھدے فوج درکپیت گڑا ناشرکار واتر کاینت۔ ڈی جی آئی ایس پی آر ءَ گشتگ کہ مارا ہر کار ءَ گوں مزنیں زانت ءُ سرپدی ءَ کنگی انت ہمے سبب انت کہ ایشی ءَ انٹیلی جنس ءِ سرا مبنی آپریشن گش انت۔ آئی ءَ گوشت کہ فوج ءَ را ناشرکاری ءِ نام ءَ بے گناہیں مردمانی جان ءِ گرگ ءَ ھچ وڑیں ھب ءُ واھگ نیست، اگاں کجام ھم شہری ناشرکاراں پناہ بہ دنت یا وتی گس ءَ تراکناکیں سامان بہ دار ایت گڈا آئی ءَ ایشی ءِ آسر ءِ دیمپانی کنگی انت۔ مارا بلوچستان ءِ مہلوک ءُ انتظامیہ ءِ گوما یکجائی ءَ کار کنگی انت، مارا ناشرکار، آہانی آسراتی ءُ منصوبہ سازاں دیم ءَ آرگ لوٹیت، یک مردمے ءِ ناشرکاری ءِ سرا سرجمیں دمگ یا سرجمیں میتگ ءِ سزا دیگ نہ بیت۔ آئی ءَ گْوشتگ کہ اود ءِ مردماں ناشرکاری ءِ ھلاپ ءَ اوشتگی اِنت ءُ اوشتاتگ اَنت، بلوچستان ءِ مردم نوں گْوشگ ءَ اَنت کہ اِدا ناشرکار اَنت ءُ ایشانی آسراتی کار ھمیش اِنت، بلوچستان ءِ مردم ھم نوں بے وس اَنت ءُ چہ اے ناشرکاراں بیزار اَنت، آئی ءَ گوشت کہ سداں درور دیم ءَ اتکگ کہ اودا بلوچ زھگ کہ ونتگ آ وتی دمگ ءُ وتی آکبت ءِ واجہ جوڑ بوتگ انت۔ بلوچستان ءِ نامداریں زانتکار صمد یار جان ءَ چہ کیمبرج یونیورسٹی ءَ گریجویشن کتگ ءُ بُلیدا اسکول ءَ چہ گریجویشن کتگ۔ شہزیب رند ھم چہ بلوچستان ءَ سیادی کنت ءُ مرچی وتی آکبت ءِ واجہ اِنت۔ بلوچستان ءِ جنکیں زھگ اے وھد ءَ ضلع آنی تہ ءَ ڈپٹی کمشنر جوڑ کنگ بنت ۔ ڈی جی آئی ایس پی آر ءَ گوشت کہ پاکستان ھمک زبانی ءُ دمگی چیزاں یک تھار کنان ءَ لبز ءِ بنیاد ءَ جوڑ کنگ بوتگ۔ رسول اللہ صلی اللہ علیہ وسلم ءَ گشتگ ات کہ ہچ غیر عرب عرب نہ انت، ہچ عرب غیر عرب نہ انت، ہچ سپیت سیاہ نہ انت ءُ ہچ سیاہ سپیت نہ انت۔ آئی ءَ گْوشتگ: بلوچستان ءِ آبادی 15 کروڑ اِنت کہ ایشانی تہ ءَ 50 درسد بلوچستان ءَ نندوک نہ اَنت بلکیں پاکستان ءِ دگہ ھند ءُ دمگاں، سرجمیں بلوچ بلوچستان ءَ نہ اَنت، ایشانی تہ ءَ 30 درسد ءَ چہ گیش پشتون اَنت۔ ڈی جی آئی ایس پی آر ءَ گشتگ کہ بلوچستان ءَ چہ گیشتر سندھ ءِ قبیلہ ءُ رودراتکی پنجاب ءَ آباد انت ۔ آئی ءَ گوشت کہ پاکستان ءِ مانا لا الہا اللہ انت، تئی اندر ءَ جاہ منند بوتگ پرچاکہ پاکستان کلمہ ءِ بنیاد ءَ جوڑ بوتگ۔