وفاقی وزیر اطلاعات عطا اللہ تارڑ ءَ پاکستان ءَ بنگلہ دیش ءِ ہائی کمشنر محمد اقبال حسین خان ءَ گوں گند ءُ نند کتگ، دوئیں ملک آنی نیام ءَ گیش بوھوکیں سیادی آنی سر ءَ دل یکیمی ءِ درشانی

اسلام آباد۔16اگست  (اے پی پی):وفاقی وزیر ءِ اھوالکاری ءُ شنگکاری عطا اللہ تارڑ ءَ پاکستان ءُ بنگلہ دیش ءِ نیام ءَ گیش بوھوکیں سیادی ءِ سر ءَ دل یکیمی ءِ درشان کتگ ءُ گوشت کہ حکومت بنگلہ دیش ءِ گوما سیاسی، اقتصادی ءُ دود ءُ ربیدگی پڑ ءَ کمک ءَ را گیش مھکم کنگ ءِ واستہ جزمیگ اِنت۔ آئی ءَ اے گپ شمبے ءِ روچ ءَ بنگلہ دیش ءِ ہائی کمشنر محمد اقبال حسین خان ءَ گوں تران کنان ءَ کت انت۔ گند ءُ نند ءَ پاکستان ءُ بنگلہ دیش ءِ سیادی، دمگی جاور ءُ میڈیا ءِ شوبگ ءَ کمک ءِ دیمروئی ءِ سر ءَ سرجمی ءَ گپ ءُ تران کنگ بوت۔ وفاقی وزیر برائے اھوالکاری ءَ گوشت کہ پاکستان بنگلہ دیش ءِ گوما وتی سیادی ءَ را ارزشت دنت ءُ بنگلہ دیش ءِ گوما سیاسی، اقتصادی ءُ ثقافتی شوبگ ءَ کمک ءَ را گیش مھکم کنگ ءِ واستہ جزمیگ اِنت۔ آئی ءَ گوشت کہ پاکستان ءَ مزن تک ءِ تر ءُ تاب ءُ ثقافتی کمک ءِ وسیلگ ءَ سیادی آناں نوکیں رنگ ءُ دروشم داتگ۔ پاکستان ءُ بنگلہ دیش ءِ الس ءَ را یک ءُ دومی ءِ گوما نزیک کنگ ءِ واستہ میڈیا ءِ شوبگ ءَ کمک سک باز المی انت ۔ فلم، ڈرامہ ءُ ڈیجیٹل میڈیا ءِ تہ ءَ کمک نہ ایوک ءَ دوئیں ملک آنی اُلس ءَ را نزیک کنت بلکیں دمگ ءَ یک جوانیں بیانیہ ءِ دیمروئی ءَ ھم کنت۔ بنگلہ دیش ءِ ہائی کمشنر محمد اقبال یونس ءَ دو نیمگی سیادی ءَ را مھکم کنگ ءِ واھشت ءِ یک رندے پدا گوشت کہ پاکستان ءُ بنگلہ دیش ءِ نیام ءَ دوستی ءِ راجدپتری بندوک دائم ءَ مان ایت۔ گند ءُ نند ءَ اے گپ ءِ سر ءَ تپاک کنگ بوت کہ پاکستان ءُ بنگلہ دیش ءِ سیادی آنی تہ ءَ جوانیں پیشرفت ءِ عمل ءَ برجاہ دارگ بہ بیت۔ اے موہ ءِ سر ءَ وفاقی سیکرٹری انفارمیشن امبرین جان ءُ پرنسپل انفارمیشن آفیسر مبشیر حسن ھم ھوار بوتگ اَنت۔\932