نائب مزن وزیر ءُ دری کارانی وزیر سینیٹر محمد اسحاق ڈار ءَ برطانیہ ءِ تر ءُ تاب رد کتگ

اسلام آباد۔16اگست  (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ خیبر پختونخوا ءُ پاکستان ءِ رودراتکی دمگ آنی تہ ءَ گوستگیں ھور ءُ فلیش سیلاب آنی سبب ءَ گران بھائیں جانی تاوان ءُ تباہی ءِ سر ءَ سک باز دلپدرد اِنت۔ آ راجی کمکی کارانی گوما یکوئی ءِ درشان کنگ ءُ آہانی کمک ءِ ھاترا برطانیہ ءِ تر ءُ تاب ءَ رد کنگ ءَ انت۔ شمبے ءِ روچ ءَ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ آئی ءَ گوشت کہ مئے دل ھما ھاندان آنی گوما اِنت کہ آھانی نزیکیں مردم بیران بوتگ اَنت، آ ٹپی بوتگ اَنت یا آھانی لوگ ءُ روزگار تباہ بوتگ۔ اسحاق ڈار ءَ گوشت کہ پاکستان ءِ حکومت آماچیں مردم آناں کمک پجارینگ ءُ ریسکیو آپریشن کنگ ءِ واستہ ھمک ھمیشیں آسراتی آناں یکجا کنگ ءَ انت۔ آئی ءَ گوشت کہ وفاقی ءُ صوبائی ادارگ، سلاہ بندیں اُرد ءُ بنجاہی انتظامیہ آماچیں دمگ آناں سر بوھگ ءُ شہری آنی جان سلامتی ءَ را دل یکیمی کنگ ءِ واستہ بے مٹیں کار کنگ ءَ انت۔ مزن وزیر شہباز شریف ءَ ہنگامی دیوان ءِ سروکی کتگ ءُ حکومت زوتیں لوٹ آنی منصوبگ بندی ءُ آماچیں دمگ آنی دراجیں مدت ءِ ریکوری ءِ واستہ یکجاھی ءَ کار کنگ ءَ اِنت۔ آئی ءَ گوشت کہ برطانیہ ءَ پیسر ءَ چہ ٹاک بوتگیں سرکاری شیڈول ءِ ھوار ءَ منی نائب مزن وزیر انجیلا رینر، دولت مشترکہ ءِ سیکرٹری جنرل شرلی آئیورکورٹ بچ وے، برطانیہ ءِ دری کارانی وزیر ہمیش فالکنر ءُ ہاؤس آف کامنز ءُ پاکستان ءِ ہاؤس آف لارڈز ءِ باسک آنی گوما گند ءُ نند کنگ ءَ آں ۔ اے پیسلہ اے آماچیں ھاندان آنی گوما یکوئی ءُ دلپدردی ءِ درشان کنگ ءُ راجی تک ءَ جاری ریلیف ءُ ریکوری ءِ کار آنی سر ءَ دلگوشی دیگ ءِ واستہ کنگ بوتگ۔ آئی ءَ گوشت کہ کمیونٹی ایونٹ ءِ درستیں جارچین آنی نیمگ ءَ چہ دل ءِ جہلانکی ءَ معذرت لوٹ ایت۔ اسحاق ڈار ءَ گوشت کہ من چہ درستیں پاکستانی آں دزبندی کناں کہ آ وتی ملک ءَ بہ بنت یا درملک ءَ آماچیں ھاندان آناں وتی دعا آنی تہ ءَ یات بہ کن اَنت ءُ کمکی کار آنی تہ ءَ ھما حد ءَ کہ بوت کنت وتی کرد ءَ پیلو بہ کن اَنت۔