مزن وزیر شہباز شریف ءِ پنت ءُ شون ءِ سرا این ڈی ایم اے ءِ ٹیم امدادی کارانی نگرانی ءِ ھاتر ءَ پشاور ءَ سر  بوت

اسلام آباد۔16اگست  (اے پی پی):مزن وزیر شہباز شریف ءِ پنت ءُ شون ءِ سرا این ڈی ایم اے ءِ ٹیم کمکی کارانی نگرانی ءِ ھاتر ءَ پشاور ءَ سر بوتگ۔ تاں انوگ ءَ گوستگیں ھور ءُ سیلابانی تہ ءَ 214 مردم بیران بوتگ اَنت۔ ادا جاڑی بوتگیں بیان ءِ تہ ءَ این ڈی ایم اے ءِ جارکش ءَ گوشت کہ مزن وزیر ءِ پنت ءُ شون ءِ رد ءَ این ڈی ایم اے خیبر پختونخوا ءِ صوبائی حکومت ءُ پی ڈی ایم اے ءَ را سرجمیں رنگ ءَ کمک کنگ ءَ انت۔ این ڈی ایم اے صوبائی حکومت ءَ را امدادی سامان دیگ ءَ انت۔ گوستگیں شپ ءَ این ڈی ایم اے ءِ چیئرمین ءَ مزن وزیر ءَ را درستیں جاور ھال آنی بابت ءَ سرپد کت۔ ترجمان ءَ گوشت کہ این ڈی ایم اے ءِ سرجمیں سیادی داروکیں سول ءُ فوجی ادارگ آنی گوما سرجمیں رابطہ ءَ اِنت۔ این ڈی ایم اے درستیں سیادی داروکیں ادارگ آنی نیمگ ءَ جاری ریلیف آپریشن آنی سر ءَ مدام نگرانی کنگ ءَ اِنت، درستیں ادارگ ہنگامی جاور ھال ءَ گوں گر ءُ چیل بوھگ ءِ واستہ گامگیج آناں دل یکیمی کنگ ءَ اَنت۔ آئی ءَ گوشت کہ رودراتکی دمگ آنی تہ ءَ بوت کنوکیں ھور ءِ وھد ءَ زمین چنڈ ءِ وئیل آنی تہ ءَ گیش گیشی ءِ امکان است انت۔ اے گپ ءِ امکان اِنت کہ بارش ءُ سیلاب ءِ وھد ءَ ھوشیار بہ بئے ءُ ایمنی ءِ گامگیجاں دل یکیمی بہ کن اِت۔ این ڈی ایم اے ءَ پنت ءُ شون کتگ کہ سیل ءُ سواد کنوکاں چہ دزبندی انت کہ آؤکیں 5 تاں 6 روچ ءَ شمالی دمگ آنی تر ءُ تاب ءَ چہ بہ رک انت۔ خیبر پختونخوا ءَ گوستگیں روچاں ھور، سیلاب، زمین چنڈ ءُ برق ءِ سبب ءَ 214 مردم بیران بوتگ انت۔ خیبر پختونخوا ءِ جتا جتائیں ضلعانی تہا ہور ءِ سبب ءَ 21 مردم ٹپی بوتگ انت۔ 55 مردم چہ انوگیں وئیلاں بیگواہ اَنت ءُ آھانی شوھازگ ءِ کارروائی برجاہ اِنت۔ پی ڈی ایم اے ءِ گوما پاک فوج، ضلعی انتظامیہ، ریسکیو 1122 ءُ بنجاہی رضاکار آماچیں دمگ آنی تہ ءَ کمکی کار آنی تہ ءَ ھوار انت۔