چیئرمین سینیٹ سید یوسف رضا گیلانی ءَ باجوڑ  ءَ ہیلی کاپٹر ءِ کپگ ءِ سر ءَ دلپدردی ءِ درشانی

اسلام آباد۔16اگست  (اے پی پی):سینیٹ ءِ چیئرمین سید یوسف رضا گیلانی ءَ باجور ءَ کمکی کارروائی ءَ گوں بندوکیں ھیلی کاپٹر ءِ سر ءَ بوتگیں غمناکیں وئیل ءُ ایشی ءِ تہ ءَ گران بھائیں جانی بیرانی ءِ سر ءَ دلپدردی ءِ درشانی کتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ تہ ءَ چیئرمین سینیٹ ءَ گوشت کہ ھما کارندہ آناں وتی جان ءِ ھیال داری ءَ ابید مشکلیں جاور آنی تہ ءَ کمکی کار آنی تہ ءَ بھر زرتگ آ مئے راج ءِ راستیں بامرد اَنت، ایشانی قربانی شموشگ نہ بنت۔ آئی ءَ گوشت کہ اے شھید وتی کردار ءُ ھزمت ءِ واستہ دائم ءَ یات کنگ بنت۔ سید یوسف رضا گیلانی ءَ ہیلی کاپٹر ءِ وئیل ءَ شہید بوتگیں کارندہ آنی کھول ءِ گوما دل ءِ جہلانکی ءَ دلپدردی ءِ درشانی کت ءُ گوشت کہ اے غم ءِ ساھت ءَ پمیشکیں کھول ءِ گوما غم ءِ بھر ءُ بانگ کناں۔ آئی ءَ چہ اللہ تعالیٰ ءَ دعا کت کہ شہیدانی درجہ بُرز بہ کنت ءُ آہانی کھول ءَ ہمت ءُ صبر بہ دنت کہ آ اے جھٹکا ءَ برداشت بہ کن انت۔