انجینئر امیر مقام سوات ءَ سیلاب ءِ وھد ءَ بہادری ءِ درشان کتگیں ورناھاں چیک پیش کت

اسلام آباد۔16اگست  (اے پی پی):وفاقی وزیر ءُ صدر پاکستان مسلم لیگ خیبر پختونخوا ءِ انجینئر امیر مقام ءَ مزن وزیر ءِ نیمگ ءَ چہ بے وسیں رضاکار محمد هلال ءُ عصمت علی ءَ را یک یک ملین کلدار ءِ چیک پیش کت کہ آہاں سیوات ءَ گوستگیں سیلاب ءِ وھد ءَ وتی کمکی کارروائی آنی تہ ءَ بہادری ءِ درشانی کتگ ءُ بازیں کمک ءِ وسیلگ ءَ کمک کتگ۔ ادا جاڑی بوتگیں بیان ءِ رد ءَ اے چیک مزن وزیر محمد شہباز شریف ءِ نیمگ ءَ وفاقی وزیر انجینئرنگ امیر مقام ءَ محمد ہلال ءُ عصمت علی ءَ را داتگ انت۔ اے نقد داد ایشانی دلیری ءُ وھد ءِ سر ءَ کمکی کارروائی آنی ستا ءَ دیگ بوتگ۔ محمد ہلال ءُ عصمت علی ءَ قدرتی آفت (سوات ءِ آفت) ءِ وھد ءَ بازیں مردمانی جان رکّینتگ۔ انجینئر امیر مقام ءَ دوئیں رضاکار آنی غیر معمولی ازمت آناں ساڑات ءُ گوشت کہ آھانی کار انسانیت ءُ راج دوستی ءِ راستیں مثال انت۔ امیر مقام ءَ گوشت کہ اے ورنا آں دومی آنی کمک ءِ واستہ وتی جان ندر کتگ، ایشانی بہادری امیت ءِ شعاع انت ءُ یک یات ءِ انت کہ مئے راجی طاقت یکوئی ءُ دلپدردی ءِ تہ ءَ انت۔ امیر مقام ءَ گوشت کہ حکومت اے وڑیں مردم آناں پہمگ ءُ دلبڈی دیگ ءِ واستہ جزم اِنت کہ آ بحران ءِ وھد ءَ راج ءِ ھزمت ءِ واستہ دیم ءَ کاینت، ءُ ھمے رنگ ءَ درستیں رضاکار ءُ امدادی کارندہ آنی ھم منت وار اِنت کہ آھاں سیلاب ءِ وھد ءَ امدادی کارروائی آنی تہ ءَ ھاسیں کرد پیلو کتگ۔ رضاکار آناں مزن وزیر ءُ وفاقی وزیر ءِ منت گپت ءُ آیوکیں وھد ءَ ھمک موہ ءِ سر ءَ راج ءِ ھزمت ءَ را برجاہ دارگ ءِ جزم ءِ پدا زور دات۔ اے موہ ءِ سر ءَ پیسریگیں صوبائی وزیر محمد علی شاہ ھم ساڑی ات۔