عطا اللہ تارڑ ءَ نا 66 ءِ ضمنی گچین کاری ءَ مسلم لیگ ن ءِ اُمیت وار ءِ بستار ءَ بلال فاروق تارڑ ءِ نامینگ ءِ پد ءَ منت واری درشان کتگ

اسلام آباد۔16اگست  (اے پی پی):حلقہ نا 66 (پنجاب) ءِ ضمنی گچین کاری ءِ واستہ بلال فاروق تارڑ ءَ را مسلم لیگ ن ءِ اُمیت وار ءِ بستار ءَ نامینگ ءِ سر ءَ سوشل نیٹ ورکنگ پلیٹ فارم ’’ایکس‘‘ ءِ سر ءَ وفاقی وزیر ءِ اھوالکاری عطا اللہ تارڑ ءَ منت واری درشان کتگ۔ وفاقی اطلاعات ءِ وزیر ءَ شمبے ءِ روچ ءَ وتی پوسٹ ءِ تہ ءَ گوشت کہ اللہ تعالیٰ ءِ شکر انت کہ ما اے رب ءِ دیم ءَ جھکگ ءَ ایں ۔ ما وتی سروک میان محمد نواز شریف ءُ مزن وزیر شہباز شریف ءِ دل ءَ چہ منت وار ایں، پارٹی ءَ مئے سر ءَ وتی بھروسہ ءِ درشانی کتگ، ما وتی وس ءُ واک ءَ چہ ایشی ءِ پیلو کنگ ءِ ھاترا کوشست کن ایں ءُ ھرکس ءَ گوں ھمراہ کن ایں ۔ پارلیمانی بورڈ ءِ درستیں باسکاں چہ منت وار آں ۔ اے ٹکٹ پارٹی ءُ پارٹی کارکنانی امانت انت ۔ ان شا اللہ وفاداری ءَ گوں محنت کن ایں ۔