مزن وزیر شہباز شریف ءَ آماچیں دمگ آنی تہ ءَ کمکی کار آناں گیش تُرند کنگ ءِ پنت ءُ شون

اسلام آباد۔16اگست  (اے پی پی):مزن وزیر محمد شہباز شریف ءَ ھور ءُ سیلاب ءَ چہ آماچیں دمگ آنی تہ ءَ ریسکیو آپریشن ءَ را گیش تیز کنگ ءِ پنت ءُ شون داتگ ءُ گوشت کہ سیلاب ءَ چہ آماچیں مردم آناں خیمہ، درمان، ترندیں طبی کمک ءُ ھمگرنچیں درستیں آسراتی آنی پجارینگ ءَ را اولیت ءِ بنیاد ءَ دل یکیمی کنگ بہ بیت۔ آزات جموں ءُ کشمیر ءُ گلگت بلتستان ءِ مینجمنٹ اتھارٹیز ءُ ڈزاسٹر مینجمنٹ ادارگاں گیش ھمگرنچ کنگ بہ بیت ءُ آھاں ھمک رنگ ءِ کمک کنگ بہ بیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ملک ءِ بُرزیں دمگ آنی تہ ءَ ھور ءُ سیلاب ءِ جاور ھال ءَ چہ آماچیں مردم آنی واستہ ریسکیو ءُ ریلیف آپریشن آنی سر ءَ ذاتی رنگ ءَ نگرانی کنگ ءَ اِنت۔ مزن وزیر ءَ چیئرمین این ڈی ایم اے ءِ گوما مدام رابطہ برجم داشت تانکہ آماچیں ضلع آنی تہ ءَ کمکی سامان آناں سر کنگ ءَ را دل یکیمی کنگ بہ بیت، مردم آناں ایمنیں جاھاں سر کنگ بہ بیت ءُ بیگواھیں مردم آنی پٹ ءُ پول آپریشن ءَ را ترند ءُ جوانیں رنگ ءَ جوڑ کنگ بہ بیت۔ کشمیر ءُ گلگت بلتستان ءِ وفاقی وزیر ءَ مزن وزیر ءِ ھاسیں پنت ءُ شون ءِ رد ءَ سرجمیں روچ کے پی کے ءَ گوازینتگ۔ آئی ءَ سیلاب ءَ چہ آماچیں دمگ آنی تر ءُ تاب کتگ ءُ کمکی سامان آنی سر کنگ ءِ سر ءَ ذاتی رنگ ءَ نگرانی کتگ۔ مزن وزیر ءَ آماچیں دمگ آنی تہ ءَ ریسکیو آپریشن ءَ را گیش مھکم کنگ ءِ پنت ءُ شون کت۔ مزن وزیر ئَ سیلاب ئِ آماچ آناں ترجیحی بنیاد ئَ ٹینٹ، درمان، ترندیں طبی کمک ئُُ ایشی ئَ گوں سیادی داروکیں توامیں آسراتی پجارینگ ئِ پنت ءُ شون کتگ۔ مزن وزیر ءَ این ڈی ایم اے ءَ را پنت ءُ شون کت کہ آ آماچیں ءُ نزیکیں دمگ آنی مہلوک ءَ را موسم ءِ بابت ءَ پیسریگیں ھال ءُ اھوال بہ دنت ءُ ھرچ وڑیں ممکنہ ہنگامی جاور آنی واستہ تیار بہ بیت۔ مزن وزیر ءَ نیشنل ڈیزاسٹر مینجمنٹ اتھارٹی ءَ را فرمان دات کہ آ صوبائی ڈیزاسٹر مینجمنٹ اتھارٹیز ءُ آزات جموں ءُ کشمیر ءُ گلگت بلتستان ءِ ڈیزاسٹر مینجمنٹ ادارگ آنی گوما وتی رابطہ آناں گیش ھمگرنچ بہ کنت ءُ آھاں ھمک رنگ ءِ کمک ءَ بہ کنت۔ مزن وزیر ءَ ھور ءُ زمین چنڈ ءِ سبب ءَ بندیں سڑک آناں زوت بحالی ءِ واستہ آپریشن ءَ را گیش ترند کنگ ءِ پنت ءُ شون کتگ ءُ بندیں شاہراہ آنی سر ءَ اوشتوکیں مسافر آناں زوتاں چہ زوت کمک پجاری کنگ بہ بیت۔