وفاقی وزیر مالیات ءُ آمدنی ءَ یک روچے ءِ تہا سئے ھاسیں دیوان ءِ سروکی کتگ، سرکاری منصوبگ آنی پیشرفت ءِ چار ءُ تپاسی

اسلام آباد۔15اگست  (اے پی پی):وفاقی وزیر خزانہ ءُ آمدنی ءِ سینیٹر محمد اورنگزیب ءَ جمعہ ءِ روچ ءَ سئے ھاسیں دیوان ءِ سروکی ءَ سئے ھاسیں منصوبگ آنی پیشرفت ءِ چار ءُ تپاسی کتگ۔ اے منصوبگ آناں مزن وزیر ءِ وژن ءُ ہدایت ءِ رد ءَ آیوکیں لھتیں ہفتگ آنی تہ ءَ بنگیج کنگ بیت تانکہ ایشانی وھد ءِ سر ءَ بندات کنگ ءَ را دل یکیمی کنگ بہ بیت۔ اے منصوبگ کہ چاگردی اثر پیداک کنگ ءُ راجی دیمروئی ءِ مول ءُ مراد آناں دیم ءَ برگ ءِ ھاترا جوڑ کنگ بوتگ انت، اے منصوبگ ھواریں وزارت، ریگولیٹری ادارگ، مالیاتی ادارگ ءُ تکنیکی شریک آنی گوما نزیکیں کمک ءَ چہ سرجم کنگ بوھگ ءَ انت۔ اولی دیوان ءَ پاکستان اسکلز امپیکٹ بانڈ ءِ سر ءَ چار ءُ تپاسی کنگ بوت کہ اے ملک ءِ اولی نتیجہ ءِ سر ءَ بنیات ءُ امپیکٹ لنکڈ فنانسنگ انسٹرومنٹ اِنت کہ ایشی ءَ را بنجاہی تک ءَ جوڑ کنگ بوھگ ءَ اِنت۔ منصوبگ ءِ ڈھانچہ سوشل امپیکٹ فنانسنگ فریم ورک ءِ چیر دستی ءَ جوڑ کنگ بوتگ کہ مزن وزیر ءِ نیمگ ءَ جوڑ کتگیں وزارت ءِ ھزانگ ءِ سروکی ءَ کمیٹی ءِ نیمگ ءَ تیار کنگ بوتگ۔ وزیر خزانہ ءَ بانڈ ءَ را ’’پرچم بردار منصوبہ‘‘ ءِ رنگ ءَ پیش کنگ ءِ ضلورت ءِ سر ءَ زور پر دات کہ ایشی ءَ چہ نہ ایوک ءَ ترندیں دیمروئی ءِ ضلورت آناں پیلو کنگ بیت بلکیں ملکی ءُ درملکی سرمایہ کار ءُ ڈونرز ھم را وتی نیمگ ءَ رازیگ کنگ بیت۔ دومی دیوان ءَ کشت ءُ کشاری ءِ واستہ رسائی ءُ مالیات ءِ فریم ورک ءِ یک پرچم برداریں اسکیم ءِ نیشنل سبسسٹنس فارمرز سپورٹ اسکیم ءِ سر ءَ چار ءُ تپاسی کنگ بوت۔ اسکیم ءِ رد ءَ 12.5 ایکڑ یا ایشی ءَ چہ کم زمین ءِ واھند یا کشت ءُ کشار کنوکیں کسانیں کشت ءُ کشاری آناں وثیقہ ءِ رد ءَ ڈیجیٹل بینک ءِ وام دیگ بیت۔ زمین ءُ کاشتکاری ءِ ڈیٹا زمین ءِ زانتکاری ءُ انتظامی سسٹم (LIMS) ءِ وسیلگ ءَ گرگ بیت ءُ بینک آنی کریڈٹ اسکورنگ ماڈل آنی تہ ءَ ھوار کنگ بیت تانکہ کشت ءُ کشاری ءِ مردم معقول سود ءِ شرح ءَ وام زرت کن اَنت ءُ گرانیں غیر رسمی وام ءَ چہ بچ اَنت۔ وزیر ءِ ھزانگ ءَ گوشت کہ اے اولی رند اِنت کہ خلائی ٹیکنالوجی راجی تک ءَ زرعی کریڈٹ ءِ پیسلہ آنی سر ءَ اثر مند بیت ءُ اے دیہی مالیات ءِ تہ ءَ سنگ میل ءِ رنگ ءَ ثابت بیت۔ سیمی دیوان ءَ مزن وزیر ءِ فین ریپلیسمنٹ پروگرام ءِ سر ءَ چار ءُ تپاسی کنگ بوت کہ اے توانائی ءِ بچت ءِ منصوبگ اِنت کہ راجی توانائی ءِ کارکردگی ءُ رکھینگ ءِ اتھارٹی ءُ بینک آنی کمک ءَ جوڑ کنگ بوتگ۔ اے اسکیم ءِ رد ءَ صارف وتی کوھنیں سیلنگ فین آناں نوکیں توانائی ءِ بچت ءِ ماڈل ءِ بدل ءَ بدل کنگ ءِ اہل بنت ءُ وزارت خزانہ بینک آنی بھر زوری ءِ واستہ یک معمولی گارنٹی فنڈ ءِ وسیلگ ءَ دات کنت۔ آن لائن پورٹل ءِ وسیلگ ءَ سرجمیں ڈیجیٹل عمل ءَ را دل یکیمی کنگ بوتگ، وھدیکہ دمگی فین مینوفیکچرنگ کمپنی ھم ھوار کنگ بوتگ اَنت، ایشی ءَ چہ پیداوار ءَ را گیش کنگ ءَ روزگار ءُ ایس ایم ای ءِ دیمروئی ءَ کمک رسیت۔ وزیر خزانہ ءَ گوشت کہ اے اسکیم ایوک ءَ پنکھا ءِ بدل کنگ ءِ ھوالگ ءَ نہ اِنت بلکیں توانائی ءِ کارکردگی ءَ را لوگی پیسلہ آناں یکجا کنگ ءِ ھوالگ ءَ ھم اِنت۔ وزیر خزانہ ءَ سئیں اسکیم آناں زوت بندات کنگ ءِ سر ءَ زور پر دیان ءَ توامیں سیادی داروکیں وزارت، محکمہ ءُ شریکیں ادارگ آناں ہدایت کت کہ آ آیوکیں لھتیں ہفتگ آنی تہ ءَ اے اسکیم آناں سرجمی ءِ رفتار ءَ را ترند بہ کن اَنت۔ آئی ءَ گوشت کہ اے منصوبگ آناں وھد ءِ سر ءَ سرجمی ءَ چہ حکومت ءِ کارکردگی، السی ازمت ءُ آسر پجاری ءِ واستہ جزم ءِ ھاسیں پیغام دیم ءَ کیت۔ وزیر ءِ ھزانگ ءَ گوشت کہ اے منصوبگ آناں نہ ایوک ءَ پاکستان ءَ بلکینگ ءَ جھان ءِ تک ءَ ھم اسکیل ایبل ماڈل ءِ رنگ ءَ پیش کنگ بوت کنت ءُ ایشی ءِ جوانیں رنگ ءَ سرجمی ءَ چہ دگنیا ءَ را اے پیغام رس ایت کہ پاکستان تیار اِنت، نوکیں چیز جوڑ کنگ ءَ تیار اِنت، شریک بوھگ ءَ تیار اِنت ءُ وتی اُلس ءِ واستہ راستیں آسراتی ءِ پجارینگ ءَ تیار اِنت۔