وفاقی وزیر داخلہ محسن نقوی ءَ امریکی انسداد ناشرکاری ءِ کوآرڈینیٹر گریگوری لوگرفو  ءَ گوں گند ءُ نند

اسلام آباد۔15اگست  (اے پی پی):وفاقی تہی کارانی وزیر محسن نقوی ءَ امریکی انسداد ناشرکاری ءِ کوآرڈینیٹر گریگوری لوگرفو ءَ گوں گند ءُ نند کتگ ایشی ءِ تہ ءَ پاک امریکہ ءِ سیادی، انسداد ناشرکاری، سیم سر ءِ سلامتی، انسداد منشیات ءَ ھوار جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کتگ۔ جمعہ ءِ روچ ءَ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ اے موہ ءِ سر ءَ تہی کارانی وزیر ءِ مملکت طلال چوہدری، قائم مقام امریکی سفیر نیٹلی بیکر ءُ وفاقی سیکرٹری داخلہ ھم ھوار بوتگ اَنت۔ امریکی انسداد ناشرکاری ءِ کوآرڈینیٹر گریگوری لوگارفو ءَ تہی کارانی وزیر محسن نقوی ءُ پاکستانی راج ءَ را پاکستان ءِ 78می آجوئی ءِ روچ ءِ مبارکی دات۔ گند ءُ نند ءَ انسداد ناشرکاری ءُ انسداد منشیات ءِ شوبگ ءَ زانتکاری ءِ مٹ ءُ بدلی ءَ را جوانیں جوڑ کنگ ءِ سر ءَ ھم تپاک کنگ بوت۔ تہی کارانی وزیر محسن نقوی ءَ گوشت کہ صدر ڈونلڈ ٹرمپ ءِ اقتدار ءَ آیگ ءَ پد پاک ءُ امریکا ءِ سیادی آنی تہ ءَ غیر معمولی گہتری بوتگ۔ امریکی صدر ڈونلڈ ٹرمپ ءِ جھان ءِ امن ءِ ھاترا مخلصیں کوشست ستا کرز اَنت۔ پاک امریکہ ءِ سیادی ءِ تہ ءَ شفافیت، باہمی اعتماد ءُ کمک ءِ عنصر برجم اِنت۔ محسن نقوی ءَ گوشت کہ اے ھرچ پڑ ءَ وت مہ وتی سیادی آناں دیمروئی دیگ ءِ مزنیں موہ اِنت، ناشرکاری ءِ ھلاپ ءَ گپ ءُ تران ءَ چہ یکجائی منصوبگ ءِ جوڑ کنگ ءَ کمک رسیت۔ آئی ءَ گوشت کہ امریکہ ءِ نیمگ ءَ چہ بندش جتگیں بی ایل اے ءُ بندش جتگیں مجید بریگیڈ ءَ را گلوبل ناشرکار گل آنی رنگ ءَ جار جنگ جوانیں گامگیج اِنت، ایشی ءَ چہ ناشرکاری ءِ ھلاسی ءِ واستہ پاک امریکہ ءِ کمک ءَ چہ جوانیں آسر دیم ءَ کیت۔ گریگوری لوگرافو ءَ گوشت کہ پاکستان جیو اسٹریٹجک لیکہ ءَ چہ سک باز ھاسیں ملک انت۔ آئی ءَ ناشرکاری اُرش آنی تہ ءَ جانی تاوان ءِ سر ءَ اپسوز ءِ درشانی کت۔