مزن وزیر محمد شہباز شریف ءَ اسلام آباد ءَ آئی ٹی پارک ءِ جوڑیشت ءِ سستیں رفتار ءِ سر ءَ وتی زہرشانی درشان کتگ، سیادی داروکیں واکدار آناں ڈاہ داتگ، درستیں زمہ وار منصوبگ ءِ سرجمی ءِ واستہ ءَ راشستاں گیش بہ کن اَنت، مزن وزیر

اسلام آباد۔15اگست  (اے پی پی):مزن وزیر محمد شہباز شریف ءَ اسلام آباد ءَ آئی ٹی پارک ءِ جوڑیشت ءِ سستیں رفتار ءِ سر ءَ زھر ءُ زاری ءِ درشانی کتگ ءُ سیادی داروکیں واکدار آناں ڈاہ ءُ شور کتگ ءُ گوشت کہ منصوبگ ءِ تہ ءَ جھان ءِ کچ ءُ کساس ءِ رد ءَ آسراتی آنی پھجاری ءَ را دل یکیمی کنگ بہ بیت، درستیں زمہ وار وتی ءَ راشست آناں ترند بہ کن اَنت تانکہ منصوبگ سرجم بہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آجوئی ءِ روچ (14اگست) ءِ روچ ءَ اسلام آباد ءَ زیر تعمیر ٹیکنالوجی پارک ءِ ھاسیں تر ءُ تاب کتگ۔ اے مزن وزیر ءِ زیر تعمیراتی آئی ٹی پارک ءِ سیمی تر ءُ تاب ات۔ مزن وزیر ءِ ھمراھی ءَ وفاقی وزیر ءِ منصوبگ بندی احسن اقبال، وفاقی وزیر اقتصادی امور احد خان چیما، وفاقی وزیر اھوالکاری عطا اللہ ترار، وفاقی وزیر انفارمیشن ٹیکنالوجی ءُ ٹیلی کام شازہ فاطمہ ءُ ھمگرنچیں سرکاری مزنیں کارندہ ھم مزن وزیر ءِ ھمراھی ءَ اتنت۔ مزن وزیر ءَ ٹیکنالوجی پارک ءِ جوڑیشت ءِ سستیں رفتار ءِ سر ءَ زہرشانی درشان کتگ ءُ جاہ ءِ سر ءَ ھواریں سیادی داروکیں واکدار آناں ڈاہ داتگ۔ اے منصوبہ 23 مارچ 2025 ءَ سرجم کنگ بوتگ ات بلے ایشی ءِ جوڑ کنگ ءَ دیر انت۔ اے گپ یات بہ بیت کہ پاکستان تحریک انصاف ءِ حءَ رامت ءِ زمانگ ءَ اے منصوبگ ءِ سرا ہچ وڑیں مزنیں کارے کنگ نہ بوتگ۔ مزن وزیر محمد شہباز شریف ءَ گچین بوھگ ءَ گوں آئی ٹی پارک منصوبگ ءِ سر ءَ حاصیں دلگوشی دات ءُ کار بندات کت۔ مزن وزیر ءَ آئی ٹی پارک ءَ را زوتاں چہ زوت سرجم کنگ ءِ ہدایت کت ءُ گوشت کہ بنداتی ہدایت ءِ رد ءَ منصوبگ ءِ ٹھینگ بوتگیں وھد ءِ تہا سرجم کنگ بہ بیت۔ منصوبہ ءَ چہ جھان ءِ معیار ءِ رد ءَ آسراتی پجاری ءَ را دل یکیمی کنگ بہ بیت۔ منصوبگ ءِ سرجم کنگ ءِ واستہ درستیں زمہ وار وتی جہد ءَ گیش بہ کن انت۔ مزن وزیر ءَ را گوشگ بوت کہ آئی ٹی پارک ءِ تہ ءَ 2 انڈر گراؤنڈ، گراؤنڈ ءُ 9 اپر فلور ھوار انت۔ پارک ءِ تہ ءَ دفاتر، انکیوبیشن سینٹر، بزنس سپورٹ سینٹر، آر اینڈ ڈی لیبارٹری، لیول تھری ڈیٹا سینٹر، آڈیٹوریم ءُ 1200 گاڑی آنی واستہ پارکنگ ھوار اِنت۔ ️آئی ٹی پارک ءِ مول ءُ مراد ورنا آنی واستہ روزگار ءِ پیداک کنگ، اقتصادی دیمروئی ءَ را گیش کنگ، آئی ٹی ءِ جھان ءِ مقابلہ ءَ را گیش کنگ ءُ ڈیجیٹل فرق ءَ را گیش کنگ اِنت۔