صدر ءِ مملکت ءَ بھارت ءِ کمک ءَ ناشرکار آنی کوش ءِ تہ ءَ خیبر پختونخوا پولیس ءِ جرات ءُ بہادری ءَ را ستا

اسلام آباد۔15اگست  (اے پی پی):صدر آصف علی زرداری ءَ بھارت ءِ کمک ءَ چہ ناشرکارانی کوش ءِ تہ ءَ خیبر پختونخوا پولیس ءِ ھمت ءُ بہادری ءَ را ستا کرتگ ءُ گوشت کہ پاکستان ناشرکاری ءِ سرجمی ءَ ھلاس کنگ ءِ واستہ جزمیگ اِنت ءُ اے جنگ داں گڈی ناشرکار ھلاس کنگ ءَ برجاہ مان ایت۔ جمعہ ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ ناشرکاری اُرش آنی تہ ءَ شھید بوتگیں خیبر پختونخوا پولیس ءِ کارندہ آنی قربانی آناں شگر ءُ منت درشان کتگ۔ صدر ءِ مملکت ءَ گوشت کہ راج وتی بہادریں سپاھیگ ءُ پولیس کارندہ آنی قربانی ءَ را ھچبر شموشکار نہ بیت۔ صدر ءِ مملکت ءَ گوشت کہ خیبر پختونخوا پولیس ءَ وتی بہادری ءُ پیشہ وارانہ ہنر ءَ گوں بھارت ءِ کمک ءَ ناشرکار آنی اُرش ناکام کتگ۔ صدر ءِ مملکت آصف علی زرداری ءَ گوشت کہ ناشرکاری ءِ ھلاپ ءَ جنگ ءَ خیبر پختونخوا پولیس ءِ بہادریں مردم دیم ءِ لائن ءَ اَنت ءُ سرجمیں راج ایشانی سر ءَ پھر کنت۔ پاکستان ناشرکاری ءِ سرجمی ءَ ہلاس کنگ ءِ جزمیگ انت ءُ اے جنگ داں گڈی ناشرکار ہلاس کنگ ءَ برجاہ مان انت۔ صدر ءِ مملکت ءَ شہید آنی گس آنی گوما دل ءِ دلپدردی ءِ درشانی کت ءُ ٹپیگ آناں زوت جان سلامتی ءِ دعا کت۔