مزن وزیر محمد شہباز شریف ءَ گوستگیں ھور آنی سبب ءَ ملک ءَ سیلاب ءِ جاور ھال آنی سر ءَ چار ءُُ تپاسی ءِ واستہ ہنگامی دیوان ءِ سروکی ءَ کتگ، این ڈی ایم اے ءَ را خیبر پختونخوا حکومت ءُُ پی ڈی ایم اے ءِ گوما کمک ءَ را برجاہ دارگ ءِ ہدایت کتگ۔

اسلام آباد ءِ سرا بوتگ۔ اگست (اے پی پی): مزن وزیر محمد شہباز شریف ءَ این ڈی ایم اے ءَ را ہدایت کتگ کہ آ خیبر پختونخوا صوبائی حکومت ءُ پی ڈی ایم اے ءِ گوما کمک ءَ را برجاہ بہ دار ایت، ریسکیو ءُ ریلیف آپریشن آنی تہ ءَ آھاں سرجمیں کمک ءَ بہ کنت ءُ ایشی ءِ واستہ سرجمیں وسیلگ آناں کارمرد بہ کنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گوستگیں ھور آنی سبب ءَ ملک ءَ سیلاب ءِ جاور ھال آنی سر ءَ چار ءُُ تپاسی ءِ واستہ مزن وزیر محمد شہباز شریف ءِ سروکی ءَ ایمرجنسی دیوان برجم دارگ بوت۔ این ڈی ایم اے ءِ چیئرمین لیفٹیننٹ جنرل انعم حیدر ملک ءَ مزن وزیر ءَ را ملک ءِ بُرزیں دمگاں جمبر ءِ ٹکر، فلیش سیلاب ءُُ ریسکیو ءُُ ریلیف آپریشن ءِ سبب ءَ بوتگیں تاوان ءِ بابت ءَ سرپد کت۔ مزن وزیر ءَ را گند ءُُ نند ءَ تاوان ءِ بابت ءَ سرپد کنگ بوت ءُُ ریسکیو ریلیف آپریشن ءِ دیمروئی ءِ بابت ءَ سرپد کنگ بوت۔ مزن وزیر ءَ این ڈی ایم اے ءَ را ہدایت کت کہ آ خیبر پختونخوا صوبائی حکومت ءُُ پی ڈی ایم اے ءِ گوما کمک ءَ را برجاہ بہ دار ایت، ریسکیو ءُُ ریلیف آپریشن آنی تہ ءَ آھاں سرجمیں کمک ءَ بہ کنت ءُُ ایشی ءِ واستہ سرجمیں وسیلگ آناں کارمرد بہ کنت۔ ءُ پی ڈی ایم اے ءِ گوما کمک ءَ را برجاہ دارگ ءِ ہدایت کنگ بوتگ، آہاں ریسکیو ءُ ریلیف آپریشن ءِ تہا ہر وڑیں کمک ءِ رسگ ءُ ایشی ءِ ھاتر ءَ درستیں وسیلگاں کارمرز کنگ بوتگ۔ مزن وزیر ءَ چیئرمین این ڈی ایم اے ءَ را ہدایت کت کہ آ ریسکیو ءُُ ریلیف ءِ کار آنی واستہ خیبر پختونخوا ءِ صوبائی حکومت ءَ گوں گیش ہمگام بہ بیت۔ مزن وزیر ءَ چیئرمین این ڈی ایم اے ءَ را ھم ہدایت کتگ کہ آ زوت خیبر پختونخوا حکومت ءَ را خیمہ، درمان، وردن ءُ وراک ءُ اے دگہ کمکی سامان سر بہ کنت۔ آئی ءَ اے ھم ہدایت کتگ کہ امدادی سامان ترجیحی بنیاد ءَ ٹرک آنی وسیلگ ءَ زوت روان دیگ بہ بنت۔ مزن وزیر ءَ اے ھم ہدایت کت کہ سیلاب ءَ آماچیں دمگ آنی تہ ءَ اوشتوکیں مردم ءُ سیل ءُ سواد کنوک آناں زوت ایمنیں جاھاں سر کنگ بہ بیت۔ مزن وزیر ءَ فون ءِ سر ءَ خیبرپختونخوا ءِ گورنر فیصل کریم کنڈی ءَ گوں ھم گپ ءُ تران کت۔ مزن وزیر محمد شہباز شریف ءَ گوں خیبر پختونخوا ءِ سر وزیر علی امین گنڈا پور ءَ ھم فون ءِ سر ءَ گپ ءُ تران کت۔ مزن وزیر ءَ خیبر پختونخوا ءَ گوستگیں روچاں جمبر ءِ ٹکر ءُُ فلیش فلڈ ءِ سبب ءَ گران بھائیں جانی بیرانی ءِ سر ءَ دلپدردی ءِ درشان کت۔ بنجاھی وزیر ءَ گوں تران کنان ءَ مزن وزیر ءَ گوشت کہ آئی ءَ این ڈی ایم اے ءَ را ہدایت کتگ کہ آ صوبائی حکومت ءَ را ریسکیو ءُُ ریلیف آپریشن ءِ تہ ءَ ھمک رنگ ءِ کمک ءَ بہ کنت، وفاقی حکومت صوبائی حکومت ءَ را ھمک رنگ ءِ کمک ءَ کنت۔ آئی ءَ گوشت کہ وفاقی حکومت دوائی، خیمہ ءُُ وردن ءِ سامان روان دیگ ءَ اِنت، اے مشکل ءِ ساھت ءَ مئے سرجمیں ھمدردی زدگیں مردم آنی گوما اِنت۔