سیاسی، معاشی ءُ دود ءُ ربیدگ ءِ شوبگ ءَ دو نیمگی کمک ءَ را گیش مھکم کنگ ءِ ضلورت اِنت، مزن وزیر شہباز شریف ءَ بنگلہ دیش ءِ ہائی کمشنر ءَ گوں گپ ءُ تران کتگ

اسلام آباد۔15اگست  (اے پی پی): مزن وزیر محمد شہباز شریف ءَ پاکستان ءُ بنگلہ دیش ءِ نیام ءَ جتا جتائیں شوبگ آنی تہ ءَ گیش بوھوکیں سیادی آنی سر ءَ دل یکیمی ءِ درشان کنان ءَ گوشت کہ سیاسی، اقتصادی ءُ دود ءُ ربیدگی شوبگ آنی تہ ءَ دو نیمگی کمک ءَ را گیش مھکم کنگ ءِ ضلورت اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ بنگلہ دیش ءِ ہائی کمشنر محمد اقبال حسین خان ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کت۔ گند ءُ نند ءِ ساھت ءَ مزن وزیر ءَ دسمبر ءَ قاہرہ ءَ ڈی 8 سروک دیوان ءِ ساھت ءَ بنگلہ دیش ءِ چیف ایڈوائزر ڈاکٹر محمد یونس ءِ گوما وتی گرمیں گند ءُ نند ءُ پائدگ مندیں گپ ءُ تران ءِ یات کت ءُ دوئیں نیمگ آنی نیام ءَ میکانزم ءِ زندگ کنگ ءِ سر ءَ دل یکیمی ءِ درشان کت۔ آئی ءَ دو نیمگی سیادی آناں دیم ءَ برگ ءِ واستہ اے مومنٹم ءِ برجائی ءِ سر ءَ زور پر دات ءُ گوشت کہ سیاسی، اقتصادی ءُ ثقافتی شوبگ آنی تہ ءَ دو نیمگی کمک ءَ را گیش مھکم کنگ ءِ ضلورت اِنت۔ مزن وزیر ءَ گوشت کہ پاکستان بنگلہ دیش ءِ گوما تجارتی ءُ مردم ءَ را رابطہ ءِ تہ ءَ گیش کنگ ءِ واھشت مند اِنت۔ دوئیں ملک آنی سروکی ءِ دو نیمگی سیادی آناں مھکم کنگ ءِ واھشت ءِ درشان کنان ءَ بنگلہ دیش ءِ ہائی کمشنر اقبال حسین ءَ مزن وزیر ءَ را دوئیں ملک آنی نیمگ ءَ چہ سیل ءُ سواد، بیپار ءُ رابطہ آناں آسراتی دیگ ءِ واستہ کتگیں جتا جتائیں گامگیج آنی بابت ءَ سرپد کت۔ آئی ءَ پاکستان ءُ بنگلہ دیش ءِ نیام ءَ راجدپتری دوستی ءَ را گیش مھکم کنگ ءِ واستہ گامگیج برجا کنگ ءِ واھشت ءِ ھم درشان کت۔ مزن وزیر ءَ ہائی کمشنر ءِ واستہ نیکیں واھشت آنی درشان کنان ءَ آئی ءَ را سرجمیں کمک ءِ دل یکیمی دات ءُ دل یکیمی ءِ درشان کت کہ آئی ءِ دور ءَ پاکستان ءُ بنگلہ دیش ءِ سیادی جوانیں رنگ ءَ دیم ءَ روان کن اَنت۔