مزن وزیر شہباز شریف ءَ گوشتگ کہ    پاکستان ٹیکسٹائل ءِ شعبہ ءَ چین ءِ دیمروئی ءُ مہارت ءَ چہ فائدہ چست کنگ لوٹیت

اسلام آباد۔15اگست  (اے پی پی):مزن وزیر شہباز شریف ءَ ھاسیں اقتصادی زون ءَ چینی کمپنی ءِ سرمایہ کاری ءَ را وش اتک کتگ ءُ گوشت کہ اے ھاسیں اقتصادی زون ءِ جوڑیشت ءَ چہ ٹیکنالوجی ءِ ٹرانسفر، ہنر ءِ دیمروئی ءُ پائیداریں صنعتی دیمروئی ءَ کمک رسیت۔ پاکستان ٹیکسٹائل ءِ شوبگ ءَ چین ءِ دیمروئی ءُ مہارت ءَ چہ سیت چست کنگ لوٹ ایت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ گارمنٹس ءِ صنعت ءَ گوں سیادی داروکیں چینی گروپ ’’چیلنج فیشن پرائیویٹ لمیٹڈ‘‘ ءِ ڈل ءَ مزن وزیر شہباز شریف ءَ گوں گند ءُ نند کتگ۔ ڈل ءِ سروکی ءَ چیلنج فیشن پرائیویٹ لمیٹڈ ءِ چیئرمین ہوانگ ویگو ءَ کتگ۔ گند ءُ نند ءَ وفاقی وزیر ءِ منصوبہ بندی احسن اقبال، وفاقی وزیر تجارت جام کمال، وفاقی وزیر اطلاعات ءُ نشریات عطا اللہ ترار، وفاقی وزیر پٹرولیم علی پرویز ملک، وفاقی وزیر بجلی ءِ بہر ءُ بانگ سردار اویس احمد لغاری، مزن وزیر ءِ ھاسیں کمکار ءُ مزن وزیر سینئر گورنمنٹ ءِ سیادی داروکیں مردم آں بہر زرتگ۔ مزن وزیر ءَ ڈل ءَ گوں تران کنان ءَ گوشت کہ چین ءُ پاکستان ءِ دوستی دگنیا ءِ تہ ءَ یک بے دروریں جاگہ ءِ دار اِنت؛ دوئیں ملک ہر مشکل ءَ یکے دومی ءِ گوما اوشتاتگ انت، پاکستان حکومت چین ءُ پاکستان ءِ دوستی ءَ را نوکیں بالاد ءَ سر کنگ ءِ واھشت مند انت۔ آئی ءَ دوئیں ملک آنی نیام ءَ اقتصادی سیادی آنی تہ ءَ گیشی ءِ سر ءَ دل یکیمی ءِ درشان کت ءُ گوشت کہ چین پاکستان اقتصادی راہداری ءِ صنعتی بھر ءَ را دیمروئی دیگ ءِ واستہ جزمیگ آں۔ مزن وزیر ءَ چین ءِ صنعت پاکستان ءَ وتی یونٹ جوڑ کنگ ءِ واھشت ءِ درشان کت۔ آئی ءَ پاکستانی مارکیٹ ءِ سر ءَ چیلنج فیشن گروپ ءِ دل یکمی ءَ را ساڑات ءُ گوشت کہ چیلنج گروپ ءِ نیمگ ءَ چہ پاکستان ءَ اسپیشل اکنامک زون ءَ را وش آتک کناں ایشی ءَ چہ ٹیکنالوجی ءِ ٹرانسفر، مہارت ءِ دیمروئی ءُ برجمیں صنعتی دیمروئی ءَ کمک رسیت۔ مزن وزیر ءَ چیلنج گروپ ءَ را ہدایت کت کہ آ ھاسیں اقتصادی زون ءِ ھوالگ ءَ ھمک رنگ ءِ آسراتی پجاری بہ کنت ءُ گوشت کہ پاکستان ٹیکسٹائل ءِ شوبگ ءَ چین ءِ دیمروئی ءُ مہارت ءَ چہ سیت زورگ لوٹ ایت۔ آئی ءَ گوشت کہ زوت چین ءَ چین پاکستان ءِ بزنس ٹو بزنس کانفرنس ءِ برجم دارگ بیت؛ کانفرنس ءَ چہ چین ءُ پاکستان ءِ پرائیویٹ انٹرپرائزز ءَ را کمک کنگ ءِ موہ رس ایت۔ چیئرمین چیلنج فیشن گروپ ءَ پاکستان ءَ وشیں میزبانی ءِ سر ءَ مزن وزیر ءِ منت گپت ءُ مزن وزیر ءَ را سرپد کت کہ چیلنج فیشن گروپ ءَ 2014ءَ چہ پاکستان ءَ 17ملین ڈالر ءِ سرمایہ کاری کتگ۔چیلنج فیشن گروپ پاکستان ءَ نوکیں ٹیکسٹائل انڈسٹری ءُ ھاسیں اقتصادی زون ءِ جوڑ کنگ ءَ انت۔ آئی ءَ گوشت کہ اے ھاسیں اقتصادی زون ءَ 5سال آنی تہ ءَ 100ملین ڈالر ءِ سرمایہ کاری کنگ بیت، ایشی ءِ آسر ءَ 400ملین ڈالر ءِ برآمد کنگ ءِ گمان اِنت۔ گند ءُ نند ءَ پد مزن وزیر ءَ چیلنج گروپ ھاسیں اقتصادی زون ءِ بنگیج ھم کت۔