صدر مملکت ملک ءِ جتا جتائیں دمگاں گوستگیں روچاں ھور ءُ سیلاب ءِ سبب ءَ گران بھائیں جانی بیرانی ءِ سر ءَ غم ءِ درشانی کنت

اسلام آباد۔15اگست  (اے پی پی):صدر ءِ مملکت آصف علی زرداری ءَ ملک ءِ جتا جتائیں دمگاں گوستگیں روچاں ھور ءُ سیلاب ءِ سبب ءَ گران بھائیں جانی بیرانی ءِ سر ءَ دلپدرد ءُ رنج ءُ گم ءِ درشانی کتگ۔ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ بیران بوتگیں مردمانی ابدمانیں ایمنی ءِ دعا کتگ ءُ غمگینیں کھول ءِ گوما دل ءِ جہلانکی ءَ ھمدردی ءِ درشانی کتگ۔ صدر ءِ مملکت ءَ ہدایت کت کہ ہمگرنچیں ادارگ کمکی کاراں ترند بہ کن انت ءُ آماچیں مردم آنی کمک ءُ بحالی ءِ واستہ ھمک رنگ ءِ گامگیج چست بہ کن انت۔ صدر ءِ مملکت ءَ اے ھم ہدایت کتگ کہ ٹپی آناں زوت ءُ کوالٹی ءِ دوا ءُ درمان ءِ آسراتی پجارینگ بہ بنت۔