آجوئی ءِ روچ ءِ درگت ءَ فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، بحریہ ءُ فضائیہ ءُ سلاہ بندیں اُرد ءِ سروک راج ءَ را آجوئی ءِ روچ ءِ درگت ءَ دل ءِ جہلانکی ءَ سلام پیش کت

راولپنڈی  ۔14اگست  (اے پی پی):آرمی اسٹاف ءِ سروک فیلڈ مارشل سید عاصم منیر، چیئرمین جوائنٹ چیفز آف اسٹاف کمیٹی جنرل ساحر شمشاد مرزا، نیوی ءِ سروک ایڈمرل نوید اشرف، ایئر فورس ءِ سروک ایئر چیف مارشل ظہیر احمد بابر سدھو   ءُ پاکستان  ءِ سلاھ بندیں ارد ءِ نیمگ ءَ چہ  پاکستان ءِ 78می آجوئی ءِ روچ ءِ وشیں موہ ءِ سر ءَ راج ءَ را سلام ءُ دروت ، کہ یکوئی ، جزم ءُ یک وشیں آیوکیں وھد ءِ واستہ بے مٹیں جزم ءِ سوبمندی ءِ علامت اِنت۔ آئی ایس پی آر ءِ نیمگ ءَ آجوئی ءِ روچ ءِ موہ ءَ جاڑی بوتگیں بیان ءَ گوشت کہ ما پاکستان ءِ بُن ھشت ایر کنوک آناں شرپ دیان آں، ما قائداعظم محمد علی جناح ءِ رھشونی ءِ چیر دستی ءَ آھانی بے دروریں جزبگ، جزم ءُ بے دروریں قربانی آناں شرپ دیان آں ۔ ایشانی دلیری، دور اندیشی ءُ آجوئی ءِ راہ ءِ سرا بے مٹیں باور رھشونی ءِ چراگ انت۔ سلاہ بندیں اُرد اے رھشون ءُ مردین آناں وتی گہتریں شگر ءُ منت ءَ پیش کنت کہ آیاں مئے راج ءِ بُن ھشت ایر کتگ ءُ وتی میراث ءَ گوں گہتریں عقیدت ءُ منت واری ءَ دیم ءَ برگ ءَ اَنت۔ ما راجی ایمنی ءِ نگہبان ءِ بستار ءَ پاکستان ءِ حاکمیت ءُ سرزمین ءِ یکوئی ءِ رکھینگ ، آئین ءِ بالادستی ءِ برجائی ءُ مئے راجی پجار ءِ تعریف کنوکیں ارزشت آنی برجائی ءِ وتی بے مٹیں عزم ءِ پدا پدر کنیں۔ بیان ءِ تہ ءَ گوشگ بوت کہ اُرد ءُ الس ءِ نیام ءَ نہ ٹُکوکیں بندوک مئے اجتماعی طاقت ءِ بنجاہ اِنت۔ اے آجوئی ءِ روچ ءَ بیا اِت کہ ما یک پرعزم، وشھال ءُ دیمروئی کنوکیں پاکستان ءِ واب ءِ پیلو کنگ ءِ واستہ ایمان، یکوئی ءُ تنظیم سازی ءِ آدرش آناں برجم دارگ ءِ وھد ءَ امن، دیمروئی ءُ یکوئی ءِ واستہ کوشست کنگ ءِ وتی جزم ءَ نوک کن ایں ۔