وفاقی وزیر شزہ  فاطمہ خواجہ ءِ گشگ انت کہ 2024 ءَ اولی رند ءَ 8 ملین زالبولاں موبائل انٹرنیٹ ءِ کارمرز کنگ بندات کتگ، 3.3 ملین آئی ٹی پیشہ وراں ڈیجی اسکلز 3.0 ءِ چیر دستی ءَ سئے سال ءِ تہا ھیل کاری دیاں

اسلام آباد۔14اگست  (اے پی پی):  انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ  فاطمہ خواجہ ءَ گوشت کہ گوستگیں مالی سال ءَ 8ملین زالبولاں اولی رند ءَ موبائل انٹرنیٹ ءِ کارمرد کنگ بندات کتگ، ءُ وزارت آیوکیں سئے سال آنی تہ ءَ ڈیجی اسکلز 3.0 ءِ چیر دستی ءَ 3.3ملین ءَ چہ گیش آئی ٹی پیشہ ور آناں تربیت دنت۔ پنچ شمبے ءِ روچ ءَ وزارت انفارمیشن ٹیکنالوجی ءُ ٹیلی کمیونیکیشن ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ وزارت انفارمیشن ٹیکنالوجی ءُ آئی ءِ چیر دستی ءِ ادارگ راج ءِ گوما آجوئی ءِ روچ ءَ را مزنیں رنگ ءَ برجم دار اَنت۔ اے ھاسیں مراگش ءَ حکومت، صنعت، اسٹارٹ اپس ءُ اکیڈمیا ءِ رہشون یک پلیٹ فارم ءِ سر ءَ یکجاہ کن انت تانکہ ملک ءِ قابل ذکریں دیمروئی ءِ سفر ءَ را خراج تحسین پیش بہ کن انت۔ اے سال ءِ روچ ءَ ”سچائی ءِ جنگ“ ھم یات کنگ بیت کہ پاکستان ءَ مئی ءَ بھارت ءِ سر ءَ یک وشیں سوبمندی یے زرتگ ات، اے ھمت، پیشہ وارانہ ءُ تکنیکی شجاعت ءِ کارنامہ ات کہ راجدپتر ءَ پہ ابد یات کنگ بیت ءُ ہر پڑ ءَ سوبمندی ءِ ھاترا عملی بلو پرنٹ ءِ دیم ءَ آرگ بیت۔ شزہ  فاطمہ خواجہ ءَ قائداعظم محمد علی جناح ءِ یک مھکمیں، دیمروئی پسند ءُ وت واجہیں پاکستان ءِ واب ءِ یات کت۔ آئی ءَ مزن وزیر شہباز شریف ءِ ’’ڈیجیٹل نیشن پاکستان‘‘ ءِ وژن ءِ سر ءَ زور پر دات کہ ایشی ءِ بنیات سئے بنیاتی ستون ’’ڈیجیٹل معیشت، ڈیجیٹل سوسائٹی ءُ ڈیجیٹل گورننس‘‘ اِنت۔ آئی ءَ گوشت کہ ما یک راجے ءِ بستار ءَ دیم ءَ رو ایں ءُ دیمروئی کتگیں ملک آنی صف آنی تہ ءَ دہائی آنی فرق ءَ را یک جھل ءُ بُرز ءِ تہ ءَ پُل کنگ ءِ واستہ ٹیکنالوجی ءَ را کارمرد کن ایں ۔ وزیر ءَ پاکستان ءَ را معاشی ءُ ٹیکنالوجی ءِ رد ءَ وت واجہ جوڑ کنگ ءِ حکومت ءِ عزم ءِ یک رندے پدا گوشت۔ آئی ءَ پاکستان ءِ حکومت، وفاقی کابینہ، ھاسیں سرمایہ کاری آسراتی کونسل، پاک اُرد ءُ ھاسیں رنگ ءَ فیلڈ مارشل چیف آف آرمی اسٹاف جنرل سید عاصم منیر ءَ را ملک ءِ اقتصادی ءُ ٹیکنالوجی ءِ دیمروئی ءِ تہ ءَ سروکی، عزم ءُ قربانی ءُ انصاف ءِ جنگ ءِ تہ ءَ سوبمندی ءِ سر ءَ شگر ءُ منت گپت۔ آئی ءَ گوشت کہ پاکستان ءِ ڈیجیٹل دیمروئی ءَ را جھان ءِ تک ءَ منگ بوھگ ءَ انت۔ 2024 ءِ گلوبل سائبر سیکورٹی انڈیکس ءِ تہ ءَ پاکستان ءَ ٹائر ون ”رول ماڈلنگ“ ءِ درجہ رس اِتگ وھدے کہ اقوام متحدہ ءِ ای گورنمنٹ ڈویلپمنٹ انڈیکس ءِ تہ ءَ پاکستان ءِ درجہ بندی 14جاہ ءِ تہ ءَ گہتری اتکگ ءُ اولی رند ءَ ہائی ای جی ڈی آئی ءِ زمرے ءَ داخل بوتگ۔ شزہ  فاطمہ خواجہ ءَ اے سوبمندی ءِ سر ءَ ھاسیں پھر  ءِ درشانی کت کہ 2025ءِ جی ایس ایم اے جینڈر گیپ رپورٹ ءِ رد ءَ موبائل انٹرنیٹ ءِ جینڈر گیپ 38درسد ءَ چہ 25درسد ءَ کم بوتگ ءُ مالی سال 2024-25ءَ اولی رند ءَ 8ملین زالبولاں موبائل انٹرنیٹ ءِ کارمرد کنگ بندات کتگ۔ زالبول آنی موبائل انٹرنیٹ ءِ کارمردی ءِ شرح 10 درسد ءَ چہ 19 درسد ءَ سر بوتگ کہ آئی ءَ وزارت ءِ اگدہ ءِ سر ءَ قبضہ کنگ ءِ وھد ءَ آئی ءِ ذاتی ٹارگٹ بوتگ۔ وفاقی وزیر ءَ ڈیجیٹل نیشن پاکستان ءِ آیوکیں روڈ میپ ءِ سر ءَ ھم چمشانک دات کہ ایشی ءِ تہ ءَ ورنا آناں بااختیار جوڑ کنگ، جوانیں گورننس، صنعت ءِ دیمروئی ءُ ڈیجیٹل پبلک انفراسٹرکچر ءِ جوڑیشت ھوار اِنت۔ آئی ءَ جار جتگ کہ نیشنل اے آئی پالیسی 2025 ءِ منظوری دیگ بوتگ، ایشی ءَ چہ مصنوعی ذہانت، اخلاقی دیمروئی ءُ معیشت ءَ را دیمروئی رسیت۔ نیشنل فائبرائزیشن انیشیٹیو ءَ چہ سرجمیں ملک ءَ تیز رفتار انٹرنیٹ ءِ رسائی ءَ را گیش کنگ بیت وھدیکہ آئی ایم ٹی سپیکٹرم نیلامی ءَ چہ 5جی ءِ تیاری ءَ را دل یکیمی کنگ بیت، درملکی سرمایہ کاری ءُ ٹیلی کام ءِ دیمروئی ءَ را گیش کنگ بیت۔ سیٹلائٹ انٹرنیٹ سروسز ہر خطہ ءَ رابطہ کاری ءِ اہل جوڑ کنت، وھدے کہ آئی ٹی کمپنیانی واستہ بے رکاوٹیں انٹرنیٹ پالیسی“ آئی ٹی ءِ برآمدات ءُ سروس ءِ ترسیل ءِ واستہ کوالٹی ءُ یکجاھیں رابطہ کاری ءِ اہل جوڑ کنت۔ آئی ءَ گوشت کہ ’’ڈیجی اسکلز 3.0‘‘ ءِ چیر دستی ءَ وزارت آیوکیں سئے سال آنی تہ ءَ 3.3 ملین ءَ چہ گیش آئی ٹی پروفیشنل آناں تربیت دنت ایشی ءِ تہ ءَ 3لکھ ہواوے ءُ 2لکھ گوگل ءِ نیمگ ءَ چہ ھوار انت۔ وتی پیغام ءِ گڈسرا شزہ  فاطمہ خواجہ ءَ قائداعظم ءِ اے باور ءِ پدا زور دات کہ پاکستان ءِ آیوکیں وھد محنت، نظم ءُ ضبط ءُ یکوئی ءِ سر ءَ بندوک اِنت۔ آئی ءَ آجوئی ءِ جذبہ ءَ گوں ڈیجیٹل حاکمیت ءَ ہمگرنچ کت ءُ گوشت کہ پاکستان ءَ ٹیکنالوجی، نوآبادیاتی ءُ گورننس ءِ تہ ءَ وت واجہ جوڑ کنگ راستیں آجوئی اِنت۔ آئی ءَ ورنا، زالبول، کاروباری برات ءُ آئی ٹی ءِ پیشہ ور آناں یک وشھال ءُ انصاف ءِ پاکستان ءِ آرکیٹیکٹ لیک اِت۔ آئی ءَ گْوشتگ: راستی ءِ جھد ءِ تہ ءَ پاکستان ءَ جھان ءِ پڑ ءَ انچیں جاھے رس اِتگ کہ نوں ھچ وڑ ءَ یلہ کنگ نہ بیت، اے 14 اگست ءَ ما وتی اے جزم ءَ پدا پدر کن ایں کہ ٹیکنالوجی ءِ وسیلگ ءَ ما یک وشھال ءُ انصاف مندیں پاکستانے جوڑ کن ایں کہ مئے زند ءِ تہ ءَ یک راستی یے جوڑ بہ بیت۔