راج پاکستان ءِ بُن ھشت ایر کنوکاں چہ منت وار اِنت کہ آیانی جھد ءُ جزم ءِ سوب ءَ ما اسلامی جمہوریت ءِ آجوئیں چاگرد ءَ زند گوازینگ ءَ ایں، بیرسٹر سلطان محمود چوہدری

اسلام آباد۔14اگست  (اے پی پی): آزات جموں ءُ کشمیر ءِ صدر ءِ بیرسٹر سلطان محمود چوہدری ءَ گوشت کہ ریاست خدا ءِ 78می آجوئی ءِ روچ ءَ پاکستانی راج اللہ تعالیٰ ءِ شگر ءُ منت وار انت کہ آئی ءَ مارا آجوئی ءِ مزنیں نعمت ءَ داتگ۔ کلیں راج پاکستان ءِ بُن ھشت ایر کنوک ءُ ھاسیں رنگ ءَ قائداعظم محمد علی جناح ءِ منت وار انت کہ آھانی جھد ءُ جزم ءِ سوب ءَ مرچی ما اسلامی جمھوریہ پاکستان ءِ آجوئیں چاگرد ءَ زند گوازینگ ءَ ایں ۔ آئی ءَ اے ھیالانی درشانی آدینگ ءِ روچ ءَ ایوان صدر کشمیر گس ءَ ایوان صدر کشمیر گس ءَ پاکستان ءِ 78می آجوئی ءِ روچ ءِ موہ ءَ مزن نامیں پرچم ءِ برگ ءِ مراگش ءَ گشتانک دیان ءَ کت۔ اے مراگش ءَ درملکی سفیر، سفارتکار، سیاسی ءُ چاگردی مردم ءُ جتا جتائیں مکتب فکر ءِ مردماں بہر زرتگ۔ آئی ءَ گوشت کہ مرچی ایوک ءَ پاکستان ءِ مہلوک نہ بلکیں سرجمیں دگنیا ءَ مظلوم ءُ ایردستیں راج ءُ تبک وتی ھک آنی واستہ ھدا ءِ داتگیں ریاست پاکستان ءِ سر ءَ بھیسہ دار اَنت پرچا کہ پاکستان دگنیا ءِ تہ ءَ یکیں ملک اِنت کہ مدام مظلوم ءُ ایردستیں راج آنی توار بوتگ۔ مرچی کشمیری آں یکیں مھکم ءُ مھکمیں پاکستان اِنت ۔ آئی ءَ گوشت کہ مارا انگت یات اِنت کہ 5اگست 2019 ءَ وھدے کہ چالاکی ءِ بھارت ءَ میاں اوستمانی کانود ءُ درستیں اخلاقی رہبندانی ھلاپ ورزی کتگ ءُ جموں ءُ کشمیر ءِ ریاست ءِ پجار ءِ ھلاپ ورزی کتگ گڑا اے پاکستان ءِ خدا ءِ داتگیں ریاست ءِ فرق بوتگ کہ آئی ءَ نہ ایوک ءَ کشمیری آناں ہر وڑیں اخلاقی ءُ سفارتی کمک داتگ بلکیں بھارت ءِ دیم ءَ دگنیا ءِ دیم ءَ ھم بے ننگ کتگ۔ پاکستان ءَ اقوام متحدہ ءِ سلامتی کونسل ءِ قرارداد آنی رد ءَ کشمیری آناں وت واجہی ءِ حق دیگ ءِ وعدہ ءِ پیلو کنگ ءِ واستہ مدام کشمیری آنی سیاسی، سفارتی ءُ اخلاقی کمک کتگ۔ پدا ہما وڑا کہ مئے لشکراں اے سال ءِ مئی ءَ آپریشن بنیان مرسوس ءَ ہندوستان ءَ را لائکیں پسو دات ءُ پاکستان ءِ خدا ءِ داتگیں ریاست ءِ دفاع ءَ بے شکست کت، ہمے وڑا پاکستانی راج ءِ عزت ءُ شرپ سرجمیں دنیا ءَ بُرز کت ءُ مظلومیں راجاں ہمت دات۔ کشمیر ءِ اسلام پسند پاکستانی لشکر ءِ اے مزنیں سوب مندی ءَ وتی سوب مندی ءُ پاکستان ءِ ریاست ءَ وتی منزل زان اَنت۔ ریاست آزاد جموں ءُ کشمیر ءِ صدر ءَ گوشت کہ بھارت باندا وتی آجوئی ءِ روچ ءَ دارگ ءَ اِنت بلے مقبوضہ کشمیر ءُ بھارت ءِ تہ ءَ اقلیت آنی سر ءَ بوتگیں زلم ءُ زوراکی آنی سبب ءَ بھارت دگنیا ءِ دیم ءَ سک بے درور کنگ بوتگ۔ پاکستانی لشکر ءَ انوگیں وھد ءَ ھندوستان ءِ زوراکی ءِ سر ءَ لائکیں پسو داتگ ءُ دگنیا ءَ را گْوشتگ کہ پاکستانی لشکر مدام پہ ملک ءِ رکھینگ ءَ تیار اِنت۔ بیرسٹر سلطان محمود چوہدری ءَ گوشت کہ امریکی صدر ڈونلڈ ٹرمپ ءِ نیمگ ءَ کشمیر ءِ ھوالگ ءَ ثالثی ءِ پیشکش ءَ را وش اتک کن آں ۔ ثالثی ءِ پیشکش ءَ کشمیر ءِ جیڈھ ءَ را مزنیں میان استمانی شناخت داتگ ءُ بھارت ءَ را شکست ءِ دیم ءَ کپتگ۔ آئی ءَ گوشت کہ بھارت ءِ تہ ءَ نندوکیں دگہ اقلیت آنی ھلاپ ءَ وتی غیر انسانی رویہ ءَ برجاہ دارگ ءَ اِنت، ایشی ءَ چہ بھارت ءِ ریاستی ناشرکاری گیش پدر بوتگ۔ اے گپ ھم دگنیا ءِ دیم ءَ پدر بوتگ کہ پاکستان ءِ نظریہ سرجم ءَ راست اِنت ءُ قائداعظم محمد علی جناح ءِ پاکستان ءِ جوڑ کنگ ءِ پیسلہ سرجم ءَ راست بوتگ۔ ہندوستان مقبوضہ کشمیر ءِ مسلمانانی سرا ہما وڑا زلم کنگ ءَ اِنت کہ سکھ ءُ عیسائیانی سرا ہمے وڑا زلم کنگ ءَ اِنت۔ من اقوام متحدہ، او آئی سی ءُ دگنیا ءِ ایندگر مہذبیں راجاں چہ اپیل کناں کہ آ کشمیری آناں وتی وت واجہی ءِ حق ءَ را دل یکیمی کنگ ءُ اے درگت ءَ بھارت ءِ سر ءَ زور ءَ را گیش کنگ ءِ تہ ءَ موثریں کرد پیلو بہ کن اَنت۔ من لوٹ کناں کہ دگنیا ءِ راج دیم ءَ بیا اَنت ءُ بھارت ءَ را جنوبی ایشیا ءَ دائمی امن ءِ برجائی ءِ واستہ اقوام متحدہ ءِ قرارداد آنی سر ءَ عمل کنگ ءَ بہ کن اَنت پرچا کہ کشمیر ءِ جیڈھ دو ایٹمی جیڈھ اِنت۔ طاقتانی نیام ءَ یک جلوکیں چنگالے ھست۔ اگاں کشمیر ءِ جیڑہ ءِ دائمی گیواری یے دست نہ کپت گڑا جنوبی ایشیا ءَ چہ چست بوؤکیں اے آتش سرجمیں دنیا ءَ وتی لپٹ ءَ کشّ اِت کنت۔ آئی ءَ گوشت کہ مرچی سرجمیں راج ءَ را مبارک بات دیگ ءِ وھد ءَ من یک پنت ءُ شون ءِ رنگ ءَ گوش آں کہ وھدیکہ ما شان، وشی ءُ وشھالی ءِ درشان کنگ ءَ آں ایشی ءِ تہ ءَ اے ھم عہد بہ کن ایں کہ ما پاکستان ءِ ریاست ءَ را مزن ءُ مزن جوڑ کن ایں ۔ مھکم ءُ مھکمیں پاکستان ءِ نہ ایوک ءَ دمگ ءَ دائمی امن ءِ ضمانت اِنت بلکینگ ءَ کشمیر ءِ آجوئی ءُ کشمیری اُلس ءِ واھشت آنی پیلو کنگ ءِ ضمانت ھم اِنت۔ پمشکا اے المی انت کہ ملک ءِ دراہیں سیاسی گل ءُ دراہیں مکتب فکر ءِ مردم پاکستان ءِ مھکم کنگ ءِ ھاترا یکجاہ بہ بنت، کشمیریانی توار جوڑ بہ بنت ءُ نظریاتی سیمسراں بہ رکھین انت دانکہ پاکستان گیش مھکم کنگ بہ بیت۔ اے موہ ءِ سر ءَ بیرسٹر سلطان محمود چوہدری ءَ بیرک چست کت، پاکستان ءُ آزات کشمیر ءِ راجی سوت الہان کنگ بوت ءُ جوانیں پوشاکیں پولیس دستہ ءَ سلام دات۔ انتظامی بانڈ ءَ گوں زیمراں مراگش گرم کت۔ اے موہ ءِ سر ءَ ریاست ءِ صدر ءَ درملکی سفیر ءُ سفارتکار آنی ھواری ءَ آجوئی ءِ روچ ءِ کیک ھم بھر ءُ بانگ کت۔ کٹ۔