آجوئی ءِ روچ شادانی روچ اِنت، قوم ءَ اے گپ ثابت کتگ کہ انصاف ءِ جنگ ءَ دژمن پاکستان ءَ چماں شانک دات نہ کنت، پروفیسر احسن اقبال

اسلام آباد۔14اگست  (اے پی پی): وفاقی وزیر برائے منصوبہ بندی پروفیسر احسن اقبال ءَ 78می آجوئی ءِ روچ ءَ راج ءَ را مبارکی دات ءُ گوشت کہ اے وشی ءُ پھر  ءِ روچ اِنت، مرچی ما انصاف ءِ جنگ ءَ سوبمندی ءِ جشن ءَ ھم کنگ ءَ ایں ۔ ادا جاڑی بوتگیں بیان ءِ رد ءَ پروفیسر احسن اقبال ءَ گوشت کہ مرچی ما انصاف ءِ جنگ ءَ سوبمند بوھگ ءِ شگر ءُ منت ءَ دارگ ءَ آں، راج ءَ اے گپ ثابت کتگ کہ پاکستان ءَ ھچ دژمن نزوریں چماں چارگ ءَ نہ انت۔ آئی ءَ گوشت کہ سلاہ بندیں اُرد کجام ھم زوراکی ءِ جوانیں پسو دیگ ءِ توان ءَ دار اَنت، مزن وزیر ءِ سروکی ءَ سیاسی سروکی ءَ اے گپ ثابت کتگ کہ آ پاکستان ءِ عزت ءُ شان ءِ واستہ کجام ھم پیسلہ کنگ ءَ چک ءُ پد نہ بنت۔ احسن اقبال ءَ گوشت کہ دگنیا پاکستان ءَ را ستا ءِ گوما چارگ ءَ انت، آئی ءَ آپریشن بنیان مرسوس ءَ دفاعی شوبگ ءَ بے دروریں سوبمندی رستگ۔ آئی ءَ گوشت کہ نوں راستی ءِ جنگ اقتصادی ءُ مالیاتی پڑ ءَ جنگ کنگی انت اودان پاکستان ءِ گوما ملک ءَ را ناقابل شکست اقتصادی طاقت جوڑ کنگ بیت۔ منصوبگ بندی ءِ وزیر ءَ گوشت کہ استاد، ڈاکٹر، انجینئر، سوداگر، کشت ءُ کشاری ءُ مزدور آناں 2035 ءَ تاں پاکستان ءَ را یک کھرب ڈالر ءِ معیشت جوڑ کنگ ءِ مول ءُ مراد ءِ نیمگ ءَ وتی کرد پیلو کنگی اِنت۔ آئی ءَ گوشت کہ ما قائداعظم ءُ علامہ اقبال ءِ پکر ءَ را شگر ءُ منت ءَ دئیں، آجوئی ءِ شھید آنی قربانی آنی برکت ءَ ما یک آجوئیں ملک ءِ نندوک ایں ۔