مزن وزیر محمد شہباز شریف ءَ اسلام آباد ءَ زیر تعمیراتی ٹیکنالوجی پارک ءِ تر ءُ تاب کتگ، جوڑیشت ءِ سستیں رفتار ءِ سرا زہرشانی ءِ درشانی کتگ، زوت سرجمی ءِ  پنت ءُ شون

اسلام آباد۔14اگست  (اے پی پی): مزن وزیر محمد شہباز شریف ءَ اسلام آباد ءَ زیر تعمیراتی ٹیکنالوجی پارک ءِ جوڑیشت ءِ سستیں رفتار ءِ سر ءَ زھر ءُ زاری ءِ درشانی کتگ ءُ زوت سرجم کنگ ءِ ہدایت کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ زیر تعمیراتی ٹیکنالوجی پارک ءِ تر ءُ تاب کتگ۔ اے موہ ءِ سر ءَ مزن وزیر ءَ ٹیکنالوجی پارک ءِ جوڑیشت ءِ سستیں رفتار ءِ سر ءَ زہرشانی درشان کت ءُ آئی ٹی پارک ءِ زوت سرجمی ءِ ہدایت کت۔ آئی ءَ گوشت کہ بنداتی ہدایت آنی رد ءَ ٹھینگ بوتگیں وھد ءِ تہ ءَ منصوبگ سرجم کنگ بہ بیت۔ مزن وزیر ءَ گوشت کہ منصوبگ ءِ تہ ءَ جھان ءِ تک ءِ رد ءَ آسراتی ءِ پُجاری ءَ را دل یکیمی کنگ بہ بیت، ءُ منصوبگ ءِ سرجمی ءِ ھاترا توامیں زمہ وار وتی کوشست آناں گیش مھکم بہ کن اَنت۔ اے موہ ءِ سر ءَ بریفنگ ءَ گوشگ بوت کہ آئی ٹی پارک ءِ تہ ءَ 2 انڈر گراؤنڈ، گراؤنڈ ءُ 9 اپر فلور ھوار اَنت۔ پارک ءِ تہ ءَ دفاتر، انکیوبیشن سینٹر، بزنس سپورٹ سینٹر، ریسرچ اینڈ ڈویلپمنٹ لیبارٹری، لیول تھری ڈیٹا سینٹر، آڈیٹوریم ءُ 1200 گاڑی آنی واستہ پارکنگ ھوار اِنت۔ پارک ءِ مول ءُ مراد ورنا آنی واستہ روزگار ءُ اقتصادی دیمروئی ءَ را گیش کنگ، آئی ٹی ءِ جھان ءِ مقابلہ ءَ گیش کنگ ءُ ڈیجیٹل فرق ءَ را ھلاس کنگ اِنت۔