حق ءِ جنگ ءَ دو راجی نظریہ ءِ سرا مہر جتگ، اے راجدپتر ءِ تہا زرین آباں گوں نبشتہ کنگ بیت، انفارمیشن وار ءِ تہا وزارت ءِ انفارمیشن ءِ کرد مدام یات کنگ بیت، وفاقی وزیر انفارمیشن ءُ نشریات عطا اللہ تارڑ

اسلام آباد۔14اگست  (اے پی پی): وفاقی وزیر اھوالکاری ءُ شنگکاری عطا اللہ تارڑ ءَ گوشت کہ راج اے سال ءَ آجوئی ءِ روچ ءِ ھواری ءَ حق ءِ جنگ ءِ راجدپتری سوبمندی ءِ درگت ءَ برجم دارگ ءَ انت۔ حق ءِ جنگ 2025 ءَ راجدپتر ءِ تہا زرینیں آباں نبشتہ کنگ بیت، آئی ءَ دو راج ءِ نظریہ ءِ سرا مہر جت ءُ دنیا ءِ دیم ءَ یک حقیقتے ءِ رنگ ءَ دیم ءَ اتک۔ انفارمیشن وار ءِ تہا وزارت ءِ اطلاعات ءِ کرد مدام یات کنگ بیت۔ پاکستانی راج ءُ سلاہ بندیں اُرداں دژمن ءِ ارادہ ءِ سرا زھر شانی کت، پاکستان ءَ وتی کیس ءَ را جھان ءِ تک ءَ زوراکیں رنگے ءَ پیش داشت۔ پنچ شمبے ءِ روچ ءَ پاکستان ٹیلی ویژن ءِ ہیڈ کوارٹر ءَ آجوئی ءِ روچ ءِ موہ ءَ پرچم ءِ برجائی ءِ مراگش ءَ گشتانک دیان ءَ وفاقی وزیر ءِ اھوالکاری ءَ گوشت کہ مئی ءَ حق ءِ جنگ ءَ دو راجی نظریہ ءِ سر ءَ مہر جت ءُ اے یک راستی یے جوڑ بوت ءُ دگنیا ءِ دیم ءَ دیم ءَ اتک۔ دژمن ءَ پہلگام ءِ واقعہ ءِ آڑ ءَ پاکستان ءِ سرا زوراکی کتگ ءُ دروگیں پرچم ءِ آپریشن ءِ وسیلہ ءَ پاکستان ءِ دروشم ءَ گار کنگ ءِ جہد کتگ بلے پاکستانی راج ءُ سلاہ بندیں لشکر ءَ گوں شرتریں جنگی حکمت عملی ءَ دژمن ءِ ارادہ ناکام کتگ۔ آئی ءَ گوشت کہ اے سال ءَ آجوئی ءِ روچ ءِ ھواری ءَ حق ءِ جنگ ءِ راجدپتری سوبمندی ھم دارگ بوھگ ءَ انت۔ اللہ تعالیٰ ءَ مارا اے موہ داتگ کہ ما نہ ایوک ءَ آجوئی ءِ رکھینگ کتگ بلکیں سرجمیں دگنیا ءَ اے کلوہ سر کتگ کہ پاکستانی راج ءُ پاکستان ءِ سلاہ بندیں اُرد وتی آجوئی ءِ رکّینگ ءَ زان اَنت۔ عطا اللہ تارڑ ءَ گوشت کہ اے جنگ ءَ انفارمیشن وار ھم جنگ بوتگ ایشی ءِ تہ ءَ وزارت ءِ اھوالکاری ءَ بے دروریں ءُ جوانیں کرد پیلو کتگ۔ ڈیجیٹل جنگ ءِ تہ ءَ راج ءِ حوصلہ ءَ را برز دارگ ءُ پاکستان ءِ بیانیہ ءَ را جھان ءِ تک ءَ دیم ءَ آرگ مئے اولی ترجی بوتگ۔ اے یک انچیں تاکے کہ راجدپتر ءَ ہر وھد ءَ کہ نبشتہ بیت گڑا زرین آباں گوں نبشتہ بیت۔ آئی ءَ گوشت کہ 1965ءِ جنگ ءِ وھد ءَ پی ٹی وی ءِ سر ءَ شنگ بوتگیں راجی سوت آں چہ فورسز ءِ حوصلہ بُرز بوتگ، راج یکجا بوتگ ءُ وزارت ءِ اھوالکاری ءِ ازمت انگت ءَ راجدپتر ءِ یک رژنائیں بھر انت۔ بیانیہ ءِ جنگ گوں وھد ءَ دیم ءَ اتک ءُ اے رندی ھم وزارت ءِ ھال ءُ اھوال ءُ پی ٹی وی ءَ موثریں کردے پیلو کت، جعلی ھال ءُ پروپیگنڈا ءِ ٹُکّر ٹُکّر کت ءُ راجی بیانیہ ءَ را جھان ءِ تک ءَ دیمروئی دات۔ وزیر ءِ اھوالکاری ءَ گوشت کہ وھدے بھارت ءَ مئے یوٹیوب چینل بند کت انت گڈا ما ایشانی یوٹیوب چینل آنی سر ءَ وتی راجی توار چست ءُ ایر کت انت ۔ اے انفارمیشن وار ءِ بہرے ات۔ ما میاں اوستمانی رسانکدر ءِ سر ءَ ھم مھکمیں رنگے ءَ پاکستان ءِ کیس پیش کُت ۔ آئی ءَ گوشت کہ اے سوبمندی ءِ تہ ءَ مزن وزیر شہباز شریف ءِ رہشونی، پی ٹی وی ءِ ٹیم ءُ وزارت ءِ اھوالکاری ءِ توامیں محکمہ آنی یکجائی کوشست ھوار انت۔ انفارمیشن سیکرٹری امبرین جان ءُ آئی ءِ ٹیم ءَ ڈیجیٹل کمیونیکیشن ڈیپارٹمنٹ جوڑ کت ءُ پی ٹی وی ورلڈ ءِ ھاسیں پروگرام بندات کت، راجی گانا ءُ دستاویزی فلم شنگ کت کہ ایشاں چہ راج ءِ تب ءُ مئیل گیش بوت۔ عطا اللہ تارڑ ءَ گوشت کہ راستی ءِ واستہ جہد 2025 راجدپتر ءَ زرین آباں گوں نبشتہ کنگ بیت ءُ انفارمیشن وار ءَ پی ٹی وی ءُ وزارت ءِ اھوالکاری ءِ کرد مدام یات کنگ بیت۔ اے آجوئی ءِ روچ ءَ مارا اے وعدہ کنگی اِنت کہ ما انفارمیشن وار ءِ اے تسلسل ءَ برجاہ داریں، پی ٹی وی ءَ را وتی گاریں جاہ ءَ پدا آرگ ءَ ایں، اصلاحات ءِ عمل برجاہ اِنت، ما راستیں راہ ءَ روگ ءَ ایں ءُ حکومت ءِ کمک ءَ چہ اے گیش گہتری کیت۔ آئی ءَ گوشت کہ راستی ءِ جہد ءَ وزارت ءِ اھوالکاری ءُ پی ٹی وی ءِ کرد ءِ سر ءَ یک ٹوھیں ڈاکومنٹری فلمے تیار کنگ بہ بیت تانکہ آیوکیں باھند آناں رھشونی کنگ بہ بیت۔ وزیر ءِ اھوالکاری ءَ اے موہ ءِ سر ءَ جوانیں ازمت ءِ پد ءَ وزارت ءِ اھوالکاری ءُ پی ٹی وی ٹیم ءَ را ھاسیں مبارکی دات۔ اے موہ ءِ سر ءَ وفاقی سیکرٹری انفارمیشن امبرین جان، وزارت ءِ اطلاعات ءُ پی ٹی وی ءِ مزنیں کارندہ ءُ دگہ مردم ھم ھوار بوتگ اَنت۔