آجوئی ءِ روچ ءَ مزن وزیر محمد شہباز شریف ءَ پاکستان مونومنٹ ءِ سر ءَ بیرک ٹنگ اِت ءُ شہیدانی یادگار ءِ سر ءَ گلدستہ ایر کت

اسلام آباد۔14اگست  (اے پی پی): مزن وزیر محمد شہباز شریف ءَ آجوئی ءِ روچ ءِ موہ ءَ پاکستان مونومنٹ  ءِ سر ءَ بیرک ٹنگ اِت ءُ شہیدانی یادگار ءِ سر ءَ گلدستہ ایر کت۔ پنچ شمبے ءِ روچ ءَ آجوئی ءِ روچ ءِ درگت ءَ شھید آنی یات ءَ مستریں مراگش برجم دارگ بوت ایشی ءِ تہ ءَ مزن وزیر محمد شہباز شریف ءِ ھاسیں مہمان بوتگ۔ دمگی پوشاک پوشیں کسانیں زھگاں مزن وزیر ءَ را پُل دات، وھدیکہ مزن وزیر ءَ زھگاں گوں مہر ءُ دوستی کت۔ اے موہ ءِ سرءَ سائرن جنئگ بوتگ اَنت ءُ راجی سوت الہان کنگ بوتگ اَنت۔ مزن وزیر ءَ شہیدانی یات ءِ مراگش ءَ شریک بوت، شہید آناں گلدستہ ایر کت ءُ شہید آناں شگر ءُ منت دات کہ آہاں ماتیں وطن ءِ واستہ وتی سر ندر کتگ ءُ وتی مزن اگدہ ءِ واستہ فاتحہ پیش کتگ۔ اے موہ ءِ سر ءَ مزن وزیر ءَ ملک ءِ ایمنی ءُ وشھالی ءِ واستہ دعا کت ۔ اے موہ ءِ سر ءَ زھگ ھم مزنیں کساسے ءَ ساڑی بوتگ اَنت۔ چیئرمین سینٹ سید یوسف رضا گیلانی،سپیکر قومی اسمبلی سردار ایاز صادق،نائب وزیر اعظم و وزیر خارجہ سینیٹر محمد اسحاق ڈار،ڈپٹی سپیکر سید غلام مصطفیٰ شاہ ،وفاقی وزرا رانا تنویر حسین،عطاءاللہ تارڑ، ڈاکٹر طارق فضل چوہدری، سردار محمد یوسف ،پروفیسر احسن اقبال  ءُ  محمد حنیف عباسی  ءَ ابید راجی اسمبلی ءِ مزنیں کساسے ءِ باسک ءُ دگہ مردماں ھم ھوار بوتگ اَنت۔