آجوئی دے خوشی تا دے، معرکہ ءِ حق اٹی قوم پک کرے کہ دشمن پاکستان آ خراب انگا نظرءِ شاغنگ کپک، پروفیسر احسن اقبال

اسلام آباد۔ 14 اگست (اے پی پی) بنجائی وزیر ڈٹ بندی پروفیسر احسن اقبال قوم ءِ 78 می  آجوئی دے انا مبارکبادی ترساپارینے کہ دا خوشی و گمرنادے ءِ، اینو نن معرکہ ءِ حق اٹی سرسہبی آ ہم جشن اڈتننگ اُن۔ داڑے جاری بیان نا رداٹ پروفیسر احسن اقبال پارے کہ اینو نن معرکہ ءِ حق اٹی سرسہبی آ شکرگزار و جشن اڈتننگ اُن، قوم پک کرے کہ اسہ دشمن اس ہم پاکستان آ خرا ب انگا نظر ءِ شاغنگ کپک۔ اوپارے کہ سلہہ بند فوج ہر جارحیت نا پبی ورندی ءِ تننگ نا لائخی تخک، وزیراعظم نا کماشی ٹی سیاسی سرکڑدہ غاک پک کریر کہ پاکستان نا آن وشان اکن اسہ فیصلہ سے آن ہم خلیپسہ۔ احسن اقبال پارے کہ دنیا پاکستان ءِ تحسین نا نظراٹ ہُننگ ءِ ، آپریشن بنیان مرصوص اٹی دفاعی بشخ اٹی بے مثل سرسہبی دوئی کرے۔ اوپارے کہ داسہ معرکہ ءِ حق زرگزرانی و اقتصادی میدان اٹی جنگ تروئی ءِ، اڑان پاکستان آن ملک ءِ ناقابل تسخیر اقتصادی واک اس جوڑ کننگک۔ وزیر ڈٹ بندی پارے کہ استاد، ڈاکٹر  ، انجینئر ، پوریاگر ، بزغر و مزور آتے 2023 اسکان پاکستان ءِ اسہ ٹریلین ڈالر نا زرگزران جوڑ کننگ نا ہدف کن تینا کڑد ءِ ادا کروئی مریک۔ اوپارے کہ ملک انا غٹ آن نہادی سرمایہ اونا ورناک ءُ، اڑان پاکستان ورناتے پوسکن آمہارت آتیان شُپ کیک، او پاکستان نا پہچان جوڑمرسا دنیا ٹی تینا لائخی تے منفرہ۔ اوناپاننگ ئس کہ قائد اعظم و علامہ اقبال نا فکر ءِ خراج تحسین پیش کینہ۔ شہدائے آجوئی نا قربانی تا سوب نن آجووطن نا رہینگوک اُن۔