پاکستان نا آجوئی سیوت، عزم و کانود نا حکمرانی نا نتیجہ ءِ، دا اصول اینو ہم ننا شونداری و سوگوی کن المی ءِ، بنجائی وزیر کانود اعظم نذیر تارڑ

اسلام آباد۔ 14 اگست (اے پی پی) بنجائی وزیر کانود و انصاف اعظم نذیر تارڑ پارینے کہ پاکستان نا آجوئی سیوت، عزم و کانود نا حکمرانی نا نتیجہ ءِ، دااصول اینو ہم ننا شونداری و سوگوی کن المی ءِ، معرکہ ءِ حق اٹی سلہہ بند فوج انا دلیری، قوم انا ثابت گامی و ہمو عزم انا ستاءِ کینہ ہراٹی وطن ءِ عزیز نا وقار و وتواجہی نا دفاع ءِ کننگا۔ پاکستان نا 78 می آجوئی دے آ تینا کلہواٹی بنجائی وزیر کانود قوم ءِ مبارکبادی و قائد اعظم محمد علی جناح، علامہ اقبال و تحریک ءِ پاکستان نا غٹ راہشون و کارندہ غاتے خراج عقیدت پیش کرے۔ اوپارے کہ پاکستان نا آجوئی سیوت، عزم و کانود نا حکمرانی نا بھرم ءِ، دا اصول اینو ہم ننا شونداری و سوگوی کن المی ءِ۔ معرکہ ءِ حق ءِ یات کرسا او سلہہ بند فوج انا دلیری، قوم انا ثابت گامی و ہمو عزم انا ستاءِ کرے ہراڑتون وطن ءِ عزیز نا وقار و وتواجہی نا دفاعءِ کننگا۔ اوپارے کہ دا قومی گمرنا ہمووخت آک ءُ ہرا ننے یات ترفرہ کہ آجوئی نا رکھ جیرت، نظم وضبط و قومی سیوت اٹ ہی ممکن ءِ۔ اعظم نذیر تارڑ وزیراعظم شہبازشریف نا کماشی نا ہم ستاءِ کرے ہرانا رداٹ ملک ءِ تنکی تیان بچفنگا۔ سوگوی نا کنڈآ دننگا و اقتصادی شونداری نا کوشست کننگا۔ اوالس آن خواست کرے کہ او سیوت، ایمان و قربانی نا جوزہ ءِ برقرار تخر تانکہ پاکستان اسہ سوگو، شونہال و انصاف پسند ملک اسے نا وڑاٹ مون آ برے۔