کراچی، قائد اعظم نا مزار آ گارڈ ز آتا بدلی نا دود، کمانڈنٹ نیول اکیڈمی کموڈور تصور اقبال مہمان خاص ئس

کراچی۔ 14 اگست (اے پی پی) پاکستان نا 78 می آجوئی دے انا وخت آ پنچ شنبے نادے(14اگست) آ بانی پاکستان قائد اعظم محمد علی جناح نا مزار آ گارڈ آتا بدلی نا پروقار ءُ دود اس اڈ ہلک، نیول اکیڈمی نا چاق و چوبند کیڈٹ آک مزار آ اعزازی گارڈ انا فرض ءِ سنبھالار۔ کمانڈنٹ پاکستان نیول اکیڈمی کموڈور تصور اقبال گارڈ آتا بدلی نا پروقار دود انا مہمان خاص ئس وخت اس کہ پریڈ کمانڈصر نا فرض ءِ لیفٹیننٹ کمانڈر سمیع اللہ سرتس۔ سیلرز پلاٹون نا کماشی ءِ لیفٹیننٹ علی حسن وخت اس کہ کیڈٹس پلاٹون نا کماشی ءِ چیف کیڈٹ کیپٹن محمد زین کرے۔ پاک بحریہ ناگارڈ آتا کنڈآن بابائے قوم قائد اعظم محمد علی جناح ءِ قومی سلام پیش کرے اوکان پد مہمان خاص گارڈز انا تعیناتی نا پرمان کرے۔ پاکستان نیول اکیڈمی نا کمانڈنٹ کموڈور تصور اقبال گارڈ انا تعیناتی آن پد قائد نا مزار آ پھل آتا چادر اس شاغاو دعاپاتیاکرے، اومہمان تا  کتاب اٹی تاثرآتے ہم قلمبندکرے۔ یات سلے کہ ہرسال 14 اگست آ پاکستان نیول اکیڈمی نا کیڈٹ آک دا زمواری ءِ سنبھالرہ۔ بانی پاکستان قائداعظم محمد علی جناح نا مزار آ پاک بحریہ نا اعزازی گارڈاٹی اِرا دستہ اوار ءُ، اعزازی گارڈ آتا اسہ دستہ اس پاک بحریہ نا سیلرز آتیا تالان ءِ وخت اس کہ ایلو دستہ پاکستان نیول اکیڈمی نا کیڈٹ آتیا تالان ءِ ۔