سپریم کورٹ اٹی بیرک ءِ چست کننگ نا دود، چیف جسٹس یحییٰ آفریدی مہمان خاص ئس

اسلام آباد۔ 14 اگست (اے پی پی) آجوئی دے انا وخت آ سپریم کورٹ اٹی بیرک ءِ چست کننگ نا دود اس مس ہراڑے چیف جسٹس ایلو جج آتون اوار بیرک ءِ چست کرے۔ پنچ شنبے نادے آ سپریم کورٹ اٹی اڈ ہلوک دود انا مہمان خاص چیف جسٹس پاکستان جسٹس یحییٰ آفریدی ئس، ایلو جج و وکیل آک ہم بیرک ءِ چست کننگ نا دود اٹی ساڑی ئسر۔ داوخت آ قومی بیرک ءِ چست کننگا و قومی ترانہ ءِ خلنگا۔ قومی بیرک نا رنگ آتیٹی ملبوس قومی بیرک ءِ ہرفوک  چناتا بھلو کچ اس ہم دود اٹی بشخ ہلکر۔ چیف جسٹس و جج آک چناتیٹی ٹیکی بشخار۔ داوخت آ چناتتون اوار چیف جسٹس جشن آجوئی نا کیک اس ہم کاٹ کرے۔