آجوئی نادے ننے ہمو قربانی ، جہد و ایمان افروز عزم انا یات ترفک ہرانا سوب ننے آجو وطن اس نصیب مس، بنجائی وزیر جان جوڑی سید مصطفیٰ کمال

اسلام آباد۔ 14 اگست (اے پی پی) بنجائی وزیر جان جوڑی سید مصطفیٰ کمال آجوئی دے انا وخت آ قوم ءِ مبارکبادی ترسا پارے کہ اینونادے ننے ہمو قربانی ، جہد وایمان افروز نا یات ترفک ہرانا سوب ننے دا آجووطن نصیب مس، پاکستان ’’معرکہ ءِ حق‘‘ انا نشانی ءِ ہراڑے حق و انصاف نا سربلندی، الس نا آسودہی و قومی وقار نا رکھ ننا قول ءِ۔ ترجمان وزارت جان جوڑی نا رداٹ آجوئی نادے انا وخت آ کلہو اٹی پارے کہ آجوئی نا قدر ہموتم اسکان ممکن ءِ ہراتم نن یکجا مرسا ملک انا شونداری، شونہالی و السی خذمت کن کاریم کین۔ وزارت ءِ قومی جان جوڑی دا عزم انا درشانی ءِ کیک کہ نن ہرپاکستانی ءِ آب اٹ جان جوڑی نا آسراتی فراوان کننگ کن تینا غٹ تر لائخی تے کاریم اٹ اتینہ۔ سید مصطفیٰ کمال پارے کہ نن تینا شہید، بزرگ و قومی ہیروتے خراج ءِ عقیدت پیش کینہ و قول ءِ پوسکن کینہ کہ پاکستان ءِ شون ہلوک، جان جوڑی و شونہال ملک اس جوڑ کننگ کن تینا جہد ءِ برجاتخنہ۔