پاکستان ءِ 78می آجوئی روچ ءِ درگت ءَ سرجمیں راج ءَ پھر اِنت،  چہ درستاں بدتریں شکست پاکستانی  اُرد   ءَ داتگ ،  ایشی ءَ چہ جہانی تک ءَ پاکستان ءِ ازت  ءُ شرپ گیش بوتگ، وفاقی وزیر عطا اللہ تارڑ

لاہور۔13اگست  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پاکستان ءِ 78می آجوئی ءِ روچ ءِ درگت ءَ سرجمیں پاکستانی راج ءَ را پھر اِنت۔ گوستگیں جنگ ءَ پاکستانی لشکر ءَ وتی ازلی دژمن ھندوستان ءَ را بدتریں شکست داتگ۔ اے شانداریں کارنامہ ءَ چہ پاکستان ءِ ازت  ءُ شرپ ءَ را جھان ءِ تک ءَ گیش کتگ۔ اے راجدپتری سوب مندی پاکستانی سلاہ بندیں اُرد ءِ بے شکستیں جزبگ ءُ بہادری ءِ کوشست آنی گواہی اِنت۔ آئی ءَ اے ھیالانی درشانی چار شمبے ءِ روچ ءَ جوہر ٹاؤن ایوان قائد اعظم ءَ آجوئی ءِ روچ ءُ راستی ءِ جہد ءِ ھوالگ ءَ ویڈیو لنک ءِ وسیلگ ءَ برجم داشتگیں مراگش ءَ گوں تران کنان ءَ کت۔ مراگش ءِ برجم دارگ ءِ ادارگ نظریہ پاکستان ءَ کتگ ات۔ اے مراگش کاکھے گائی ءِ نیمگ ءَ برجم دارگ بوتگ ات کہ ایشی ءِ تہ ءَ نودربر آنی نیام ءَ گشتانک ءِ مقابلہ ءُ گرینڈ پرائز ءِ بہر ءُ بانگ ءِ مراگش ھوار ات۔ اے مراگش ءَ پریس انفارمیشن ڈیپارٹمنٹ ءِ ڈائریکٹر جنرل پریس انفارمیشن ڈیپارٹمنٹ شفقت عباس، پروفیسر عابد شیروانی،سیکرٹری ادارہ نظریہ پاکستان ناہید عمران گل، ایڈیشنل سیکرٹری سیف اللہ چوہدری، معروف صحافی و تجزیہ کار عاصم نصیر، اسکول ءِ استاد، نودربر ءُ جتا جتائیں اسکول ءِ نودربر ءُ مزنیں کساسے ءَ بہر زرتگ ات۔ وفاقی وزیر اھوالکاری ءُ شنگکاری عطا اللہ تارڑ ءَ وتی گشتانک ءِ تہ ءَ گوشت کہ اے آجوئی ءِ روچ ھمک پاکستانی ءِ واستہ یک مزنیں موہ یے کہ آ وتی آجوئی ءِ ستا ءَ بہ کنت ءُ ایشی ءَ را گیش مھکم کنگ ءَ وتی کرد ءَ پیلو بہ کنت۔ آئی ءَ گوشت کہ پاک اُرد ءَ نہ ایوک ءَ شپ ءِ تہاری ءَ دژمن ءِ نیمگ ءَ کتگیں بزدلی اُرش آناں سرجمی ءَ جنگ دات، بلکیں آئی ءَ را سبق بزانیں شکست ءِ ھم دات کہ ایشی ءَ چہ دژمن ھندوستان ءَ را پد ءَ کشگ ءَ لاچار کت۔ آئی ءَ گوشت کہ پاک فوج ءِ فیلڈ مارشل مارشل جنرل عاصم منیر ءِ کمان ءِ چیر دستی ءَ پاک فوج ءَ فجر ءِ نماز ءَ پد جوابی اُرش بندات کتگ، ایشی ءِ تہ ءَ دژمن ءَ را کچلگ ءُ شکست ءِ دلدل ءَ کشگ بوتگ، تانکہ آ چہ وتی جاہ ءَ درکپگ ءَ بے وس بوتگ۔ اے آپریشن ءَ دژمن ءِ  جزم آناں ڈگار ءَ جت ءُ  یک رندے پدا پاکستان ءِ فوجی طاقت ءَ را جھان ءِ پڑ ءَ برجمیں جاہے دات۔ وفاقی وزیر ءَ پاک فوج ءِ توامیں افسر ءُ مردین آناں شگر ءُ منت درشان کنان ءَ گوشت کہ آھانی بہادری، قربانی ءُ جوانیں پیشہ وارانہ ھنر ءَ سرجمیں دگنیا ءَ را مرچی پاکستان ءِ فوجی طاقت ءُ ڈسپلن ءَ را منگ ءِ واستہ مجبور کتگ۔ آئی ءَ گوشت کہ اے سوب مندی ایوک ءَ جنگی کارنامہ نہ اِنت بلکینگ ءَ پاکستانی راج ءِ یکوئی، ایمان ءُ ڈسپلن ءِ مزنیں درور اِنت۔ اے سوبمندی ءَ پاکستانی راج اے گپ ءِ سر ءَ دل یکیمی کتگ کہ آ وتی وتن ءِ رکھینگ ءُ دیمروی ءِ واستہ کجام ھم نگیگیں جاوراں گوں یکجاھی ءَ جنگ کت کنت۔ عطا اللہ تارڑ ءَ انسٹی ٹیوٹ آف آئیڈولوجی آف پاکستان ءِ انتظامیہ ءِ جوانیں سروکی ءِ سرا توسیپ کت۔ آئی ءَ کوشست آناں ساڑات ءُ گوشت کہ اے ادارگ پاکستان ءِ نظریاتی پجار ءَ را پدر کنگ ءُ وطن ءِ گوں مہر، پاکستان موومنٹ ءِ مول ءُ مراد ءُ ورنائیں نسل آنی تہ ءَ راجی یکوئی ءِ جذبہ ءَ را دیم ءَ برگ ءَ ھاسیں کرد پیلو کنگ ءَ اِنت۔ آئی ءَ گیش گوشت کہ اے رنگیں مراگش نوکیں نسل ءَ را وتی راجدپتر، دود ءُ ربیدگ ءُ راجی ارزشت آنی گوما ھمگرنچ کنگ ءِ یک موثریں وسیلگ انت۔ آئی ءَ ادارگ ءِ کوشست ساڑاتگ ءُ گوشت کہ اے مراگش ءَ نہ ایوک ءَ آجوئی ءِ روچ ءِ جزبگ زندگ داشتگ بلکینگ ءَ نودربر آناں وتی ھیال آنی درشان کنگ ءُ راجی شان ءِے سہرا کنگ ءِ موہ ھم رست۔ عطا اللہ تارڑ ءَ وتی گشتانک ءِ گڈسرا دعا کت کہ اللہ تعالیٰ پاکستان ءَ را ایمن بہ کنت ءُ دیمروئی ءِ نوکیں کونڈاں بہ بارت۔ مراگش ءِ گڈسرا ھما نودربراں انعام بھر ءُ بانگ کنگ بوت کہ آیاں گشتانک ءِ مقابلہانی تہا نامداریں جاہ زرتگ ات۔ شریکیں مردماں سوبمندیں نودربرانی دلبڈی دات ءُ گوشت کہ آ پاکستان ءِ آیوکیں باندات بہ بنت ءُ وتی پنت ءُ شون آں گوں شیئر بہ کن اَنت۔ من چہ ایشی ءَ کارمرز کنگ ءَ ملک ءِ دیمروئی ءُ وشھالی ءِ تہ ءَ وتی کرد ءَ پیلو کنگ لوٹ آں ۔ مراگش ءِ توامیں بھر زوروکاں پاک اُرد ءِ اے مزنیں کارنامہ ءِ سر ءَ شان ءِ درشان کت ءُ ملک ءِ دیمروئی ءُ برجائی ءِ واستہ وتی کمک ءُ جزم ءِ یک رندے پدا گوشت۔