فیلڈ مارشل سید عاصم منیر ءَ آذربائیجان ءِ فوج ءِ اولی نائب وزیر دفاع ءُ چیف آف جنرل اسٹاف ءَ گوں گند ءُ نند کت، دو نیمگی سیادی ءَ را گیش مھکم کنگ ءِ جزم ءِ  درشان

راولپنڈی۔13اگست  (اے پی پی): چیف آف آرمی اسٹاف فیلڈ مارشل سید عاصم منیر ءَ آذربائیجان ءِ گوما وتی گہتریں براتی ءُ دو نیمگی سیادی آناں گیش مھکم کنگ ءِ واستہ پاکستان ءِ جزم ءِ یک رندے پدر کت۔ چار شمبے ءِ روچ  ءَ آئی ایس پی آر   ءِ نیمگ ءَ جاڑی بوتگیں بیان ءِ رد ءَ آرمی اسٹاف ءِ سروک فیلڈ مارشل سید عاصم منیر ءَ جنرل ہیڈ کوارٹر ءَ آذربائیجان ءِ اولی نائب وزیر دفاع ءُ آرمی ءِ سروک جنرل اسٹاف کرنل  کریم ولیوف ءَ گوں گند ءُ نند کتگ۔ گند ءُ نند ءِ ساھت ءَ وت مہ وتی ھب ءُ واھگ ءِ جیڈھ آنی سر ءَ ھاسیں رنگ ءَ انوگیں جھان ءُ دمگی ایمنی ءِ سناریو ءِ سر ءَ گپ ءُ تران کنگ بوت۔ آرمی چیف ءَ آذربائیجان ءِ گوما پاکستان ءِ گہتریں براتی سیادی ءِ سر ءَ زور پر دات ءُ دو نیمگی سیادی ءَ را گیش مھکم کت۔ آئی ءَ آذربائیجان ءُ آرمینیا ءِ نیام ءَ امن معاہدے ءِ سر ءَ دستخط کنگ ءِ سر ءَ ھم شرپیں مہمان ءَ را مبارک بات دات۔ پُرمڈائیں مہمان ءَ حق ءِ جنگ آپریشن بناشان ءَ پاکستان ءِ سلاھ بندیں اُرد ءِ جنگی ہنر ءُ کامیات ءِ توسیپ کت۔ ڈل ءَ آجوئی ءِ روچ ءُ سوبمندی ءِ روچ ءِ مراگش آنی واستہ نیکیں واھگ آنی درشان ھم کت۔ فیلڈ مارشل ءَ آذربائیجان ءِ مہلوک ءُ مہلوک ءِ منت گپت کہ آہاں حق ءِ جنگ ءِ وھد ءَ پاکستانی مہلوک ءِ گوما اوشتاتگ ءُ آزربائیجان ءِ لشکر ءَ را آجوئی ءِ روچ ءِ مراگش ءَ بہر زورگ ءِ ھاترا روان داتگ۔ دوئیں فوجی سروک آں دفاعی کمک ءَ را گیش مھکم کنگ ءُ دمگی امن ءُ ایمنی ءِ واستہ یکجائی کوشست آناں دیمروئی دیگ ءِ واستہ یکجائی جزم ءِ درشان کت۔ اے موہ ءِ سر ءَ کرنل جنرل کریم ولیوف  ءَ آذربائیجان ءِ صدر الہام علیوف ءِ نیمگ ءَ فیلڈ مارشل  سید عاصم منیر  ءَ را پاکستان ءِ گوما فوجی کمک ءِ تہ ءَ وتی کرد آنی ستا ءَ آذربائیجان ءِ نامداریں وطن دوستی ءِ تمغہ دات۔ آئی ءَ ناشرکاری ءِ ھلاپ ءَ جنگ ءَ پاکستان ءِ بے مٹیں کوشست آناں ساڑات ءُ دفاع ءُ ایمنی ءِ تہ ءَ کمک ءَ را گیش کنگ ءِ واستہ آذربائیجان ءِ جزم ءِ سر ءَ پدا زور دات۔ پُرمڈائیں مہمان ءَ آذربائیجان ءِ  پرمڈائیں  مہمان داری ءُ برجاھیں کمک ءِ پد ءَ پاکستان ءِ شگر ءُ منت گپت۔ ایشی ءَ چہ پیسر جی ایچ کوس ءَ سر بوھگ ءِ وھد ءَ پاک اُرد ءِ جوانیں پوشاکیں دستہ ءَ کرنل جنرل کریم ولف ءَ را گارڈ آف آنر دات۔ آئی ءَ شہید آنی یات ءَ گلدستہ ھم ایر کتگ۔