اسلام آباد ءِ 50 ءَ چہ 55 مسیت ءِ ٹرانسفر ءِ ھال ءَ ھچ وڑیں راستی نیست، مدنی مسیت ءُ مدرسہ ءِ ٹرانسفر 8 ماہ ءِ شور ءُ سلاہ ءَ پد بوتگ، وزیر ءِ مملکت طلال چوہدری

اسلام آباد۔13اگست  (اے پی پی): وزیر مملکت طلال چوہدری ءَ گشتگ کہ اسلام آباد ءَ 50 ءَ چہ 55 مسیت ءِ ٹرانسفر ءِ ھال ءَ ھچ وڑیں راستی نیست، مدنی مسیت ءُ مدرسہ ءِ ٹرانسفر یک شپے ءَ نہ بوتگ بلکیں 8 ماہ ءِ کوشست ءَ پد عالم ھست بوتگ انت وھدے کہ مسیت ءُ مدرسہ ءِ ٹرانسفر بوتگ۔ چار شمبے ءِ روچ ءَ قومی اسمبلی ءَ وتی ھیالانی درشان کنان ءَ آئی ءَ گوشت کہ اے ھوالگ ءَ گوستگیں روچ ءَ ایوان ءَ دیئگ بوتگ، اولی رند ءَ اے بابت ءَ مولانا غفور حیدری  ءِ گوما گند ءُ نند کنگ بوتگ، ایشی ءِ سر ءَ پدا زانتکار آنی ھواری ءَ گپ ءُ تران کنگ بوتگ۔ آئی ءَ اے گپ پدر کت کہ مسیت آنی ٹرانسفر ءِ ھچ وڑیں جیڑھ ءِ سر ءَ ھیال ءُ لیکہ کنگ نہ بیت، اے گپ ءِ درشانی کنگ بوت۔ آئی ءَ گوشت کہ مدنی مسیت ءُ مدرسہ ءِ ٹرانسفر ءِ ھوالگ ءَ اے سال ءِ جنوری ءَ مشاورت ءِ عمل بندات بوتگ، مدرسہ ءِ سروک ءِ گچین کتگیں جاہ ءَ 40ملین کلدار ءِ ھرچ ءَ نوکیں ماڑی جوڑ کنگ بوتگ ءُ جولائی ءَ استاد ءُ نودربر اودا شتگ انت۔ کوھنیں مسجد ءِ ھراب کنگ ءِ وھد ءَ عالم ھست بوتگ اَنت۔ دراہیں کار زانتکارانی دیم ءَ شرپ ءَ سرجم کنگ بوت انت۔ اے ٹرانسفر 8 ماہ ءِ مشورہ ءَ پد کنگ بوتگ۔ اے کار یک شپے ءَ نہ بوتگ۔ حکومت دینی آسراتی جوڑ کنگ ءُ ہر فرقہ ءِ شرپ ءِ واستہ گامگیج چست کنت۔ اے درگت ءَ مولانا فضل الرحمن ءِ سر ءَ بھروسہ کنگ نہ بیت ۔ آ وتی کار ءَ گوں دلگوشی ءَ کنگ ءَ اِنت ءُ کس ءِ دل ءَ ٹپّی نہ کنت۔