مزن وزیر محمد شہباز شریف ءَ موڈیز ءِ نیمگ ءَ پاکستان ءِ کریڈٹ ریٹنگ ءِ تہ ءَ گہتری ءِ سر ءَ دل یکیمی ءِ درشان

اسلام آباد۔13اگست  (اے پی پی): مزن وزیر محمد شہباز شریف ءَ میاں اوستمانی ریٹنگ ایجنسی موڈیز ءِ نیمگ ءَ پاکستان ءِ کریڈٹ ریٹنگ ءِ تہ ءَ گہتری ءِ سر ءَ دل یکیمی ءِ درشانی کتگ ءُ اقتصادی ٹیم ءِ توسیپ کتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ءِ کریڈٹ ریٹنگ ءِ تہ ءَ میاں اوستمانی ادارگ موڈیز ءِ نیمگ ءَ چہ ’’سی اے اے ٹو‘‘ ءَ چہ ’’سی اے اے ون‘‘ ءَ گہتر کنگ سک باز وش اتک کنگ بیت، حکومتی ٹیم اے ریٹنگ ءَ را گیش گہتر کنگ ءِ کوشست ءَ کنگ ءَ انت۔ مزن وزیر ءَ گوشت کہ کریڈٹ ریٹنگ ءِ تہ ءَ گہتری اقتصادی پالیشی آنی راستیں رھبند ءِ درشان اِنت۔