راستی ءِ جہد ءِ سوبمندی آجوئی ءِ جشن ءَ بے درور ءُ دو رند ءَ مزنیں رنگے ءَ جوڑ کنت، عطا اللہ تارڑ

اسلام آباد۔13اگست  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ راستی ءِ جہد ءِ سوبمندی ءَ چہ آجوئی ءِ مراگش بے درور ءُ دو رند ءَ مزنیں رنگے ءَ جوڑ بیت۔ چار شمبے ءِ روچ ءَ ادا پارلیمنٹ گس ءَ مادویا ءَ گوں تران کنان ءَ وفاقی وزیر ءِ اھوالکاری ءَ گوشت کہ اے وھد ءَ راج نہ ایوک ءَ آجوئی ءِ روچ ءَ برجم دارگ ءَ اِنت بلکینگ ءَ راستی ءِ جھد ءِ سوبمندی ءَ را ھم سرجمیں جوش ءُ جزبگ ءَ گوں برجم دارگ بوھگ ءَ اِنت۔ اللہ تعالیٰ ءَ مارا آجوئی ءِ نعمت داتگ ءُ آزاتیں ھوا ءِ ساہ ءِ کشگ ءِ شرف داتگ۔ یک جست ءِ پسو ءَ وفاقی وزیر ءِ اھوالکاری ءَ گوشت کہ کسانیں زھگاں بگر داں مزنیں مردم ھمک پاکستانی سبزیں ھلال ءِ بیرک ءَ گوں وتی گس آنی سر ءَ دراتکگ۔ پارلیمنٹ گس ءُ اے دگہ ھاسیں ماڑیانی دیم ءَ راجی بیرک ءِ ساھگ ءَ الس وتی کہول ءِ ھمراھی ءَ شاد ءُ شاد ءَ وشی ءُ وشی ءَ وشیاں گوازینگ ءَ انت۔ آئی ءَ گوشت کہ اے وھد ءَ ما درست پاکستانی آں، گڈی ءَ ما وتی آجوئی ءِ جشن ءَ دارگ ءَ ایں پاکستانی راج ایں۔ آئی ءَ گوشت کہ اے مراگش بھارت ءِ واستہ یک ھاسیں کلوہ ءِ ھم انت کہ زندگیں راج وتی آجوئی ءُ سوبمندی ءِ وشی ءَ را چون برجم دارگ ءَ انت۔ آئی ءَ گوشت کہ مرچی شپ درست 12بج ءَ ملک ءِ جتا جتائیں شھر آنی تہ ءَ اسلام آباد ءِ نیمگ ءَ شانداریں آتش بازی برجم دارگ بیت کہ ٹی وی اسکرین آنی سر ءَ براہ راست پیش دارگ بیت۔ اسلام آباد ءَ یک مزنیں مراگشے ھم برجم دارگ بوھگ ءَ اِنت، راجی گانا ءُ پریڈ ھم آجوئی ءِ روچ ءِ مراگشانی تہ ءَ ھوار کنگ بنت۔ عطا اللہ تارڑ ءَ گوشت کہ باندا سھب ءَ ملک ءِ جتا جتائیں جاھاں پرچم ءِ ایر کنگ ءِ مراگش برجم دارگ بنت، شکرپریان پریڈ گراؤنڈ ءَ ھم ھاسیں مراگش ءِ برجم دارگ بیت، جشن ءِ مراگش شپ ءِ ھشت ءَ بگر داں دوازدھ ءَ ٹی وی اسکرین آنی سر ءَ براہ راست شنگ کنگ بنت، سرجمیں راج ءُ سرجمیں روچ ءَ اے مراگش چارگ بیت۔ وفاقی وزیر ءِ اھوالکاری ءَ سرجمیں راج ءَ را آجوئی ءِ روچ ءُ راستی ءِ جہد ءِ سوبمندی ءِ موہ ءَ مبارک بات دیگ ءِ ساھت ءَ گوشت کہ اے نیکیں موہ پاکستان ءِ یکوئی، جزم ءُ دلیری ءِ رژنائیں نشان اِنت۔ یک جستے ءِ پسو ءَ آئی ءَ گوشت کہ مری ءَ بوھوکیں دیوان ءِ ساھت ءَ ضمنی گچین کاری آنی ھوالگ ءَ مشورہ کنگ بوتگ۔ مریم اورنگزیب چہ ملک ءَ در ات ءُ آئی ءِ یک براتے چہ مری ءِ حلقہ ءَ دیم پہ دیم ات پمیشکا من دیوان ءَ ھوار نہ بوتاں۔