پاکستان و آذربائیجان نا نیام اٹ واپار، زرگزران و علاقائی رابطہ کاری ءِ مون آ دننگ نا گرج ءِ، صدر مملکت آصف علی زرداری

اسلام آباد۔ 13 اگست (اے پی پی) صدر ءِ مملکت آصف علی زرداری تون آذربائیجان نا سفیر خازر فرہادوف ایوان ءِ صدر اٹی اوڑدہی کرے، صدر مملکت ہڑتوم آملک آتا نیام اٹ واپار، زرگزران و علاقائی رابطہ کاری ءِ مون آدننگ نا گرج آ زورشاغا۔ ایوان ءِ صدر نا پریس ونگ آن چارشنبے نادے آ جاری بیان نا رداٹ صدر ءِ مملکت پاکستان و آذربائیجان نا ایلمی تعلقداری تے ہڑتوم آ ملک آتا فائدہ ٹی پین سوگو کننگ آ زور شاغا۔ صدر ءِ مملکت پارے کہ ہڑتوم آملک آتا نیام اٹ واپار، زرگزران و علاقائی رابطہ کاری ءِ مون آدننگ نا گرج ءِ، براہِ راست فضائی رابطہ غان واپاری و السی تعلقداری نا پوسکن ءُ وارخواہی ودی مریک۔ اوآذربائیجان و آرمینیا نا تاریخی امن معاہدہ غاہم مبارکبادی تس۔ اونا پاننگ ئس کہ امن معاہدہ ڈیہہ اٹی دیرپاسوگوی و شونہالی نا ضمانت ءِ، پاکستان جھیڑہ غاتا ایسری کن گپ وتران و پرامن ذریعہ غا یخین تخک۔